▪ شەهیدکرنا ئاشتییێ

دلدار محەمەد

ئەز ژی وەکی وی جەنگا وەرێ د خوهێرا مایی
بێهێن هەلمای ل ئەڤرازیێ بتنێ مانێ مەندەهۆش مایی نزانم کی ب سەرکەفت
یا ئەز د زانم
ب دەنگێ تۆپا و قێریێن ژنان
یارییا ئەوان سنێلێن هەنێ
ل گێمێ ئێکێ هاتە راوەستاندن
هێشتا کەس ژوان چ گۆڵ نەکربون
شەڕی
وەکی هەرجار ئەو دوراندن
و
چاڤێن زاروکێ هەنێ بو دووربوونا بویکا وی تژی روندک بوون !
چاڤێن ئەوێ دایکا هەنێ بۆ برینا کورێ وێ یێ جەنگا وەر تژی روندک بوون !
ب ڤان هەواریان بێدەنگیا گۆرستانێ هاتە تێکدان
کێلیکا بوری گۆرەک و ڤێ
کێلیکێ گۆرەکێ دی هاتە کۆلان
ل کولانا هەنێ یا رەنگین گولێن باخچەیەکی ژ ترساندا بێ رەنگ مان
جیهان
باشە ماجارەکێ روندک ب خەلەتی ژی ڤه سەرا چاڤێن تە ژی نادەن ؟!
پا کەنگی دێ نێزیکی ئێک بن
وژدانا تە و هەژیان ؟
پانێ هەمبێزا تە و بەرسنگێن تە ژی تژی خیڤەت بوون !