وەزیرێ ناڤخۆیی یێ عیراقێ ڕاگەهاند، ب هەماهەنگی ل گەل حکومەتا هەرێما کوردستانێ، دێ شەش هزار پۆلیسان ل بنگەهێن سنوورییێن ئیرانێ و تورکیا جێگیر کەت.
عەبدولئەمیر شەمەری، وەزیرێ ناڤخۆ یێ عیراقێ د لێدوانەکا ڕۆژنامەڤانیدا ڕاگەهاند، ب هەماهەنگی ل گەل حکومەتا هەرێما کوردستانێ و هێزێن پێشمەرگەی دێ شەش هزار پۆلیسان ل بنگەهێن چاڤدێرییێن سنوورێن عیراقێ ل گەل ئیرانێ و تورکیا جێگیرکەین.
دیسان گۆت: بۆ جێبەجێکرنا بڕیارا کۆنترولکرنا سنوورێن ل گەل ئیران و تورکیا، بودجەیەکێ تایبەت دێ هێتە تەرخانکرن و دەست ب دروستکرنا بنگەهـ و دانانا کامیرە و تاوەرێن چاڤدێرییێ کەین.
زێدەتر گۆت: ل سنوورێ سورییا ژی ژبۆ ڕێگریکرن ل لڤینێن گرۆپێن چەکداری، ب درێژاهییا ٦٥ کیلومەتران دێ بەربەستێن کۆنکریتی ل سنوورێ قەزا شنگالێ دەستپێکەت.
Comments are closed, but trackbacks and pingbacks are open.