عیراق ژ لیستا وه‌لاتێن زۆر قه‌ردار ده‌ركه‌ڤت و شیره‌تكارێ دارایى یێ سه‌رۆك وه‌زیران راگه‌هاند، ئه‌ڤه ئه‌گه‌ره‌كه ژبۆ راكێشانا سه‌رنجا وه‌به‌رهێنه‌رێن بیانى.
مەزهەر محەمەد سالح شیره‌تكارێ دارایى یێ سه‌رۆك وه‌زیرێن عیراقێ راگه‌هاند، ده‌ركه‌ڤتنا عیراقێ ژ لیستا سندووقا نه‌ختینه یا نیڤده‌وله‌تى كو تایبه‌ته ب وان وه‌لاتێن زۆرترین قه‌ر لسه‌ر هه‌ین، فاكته‌ره‌كێ كرنگه بۆ راكشانا سه‌رنجا وه‌به‌رهێنه‌رێن بیانى. هه‌روه‌سا پێگه‌هێ ئابوورى یێ عیراقێ ب ره‌نگه‌كێ به‌رچاڤ دێ بلندكه‌ت.
شیره‌تكارێ دارایى یێ سه‌رۆك وه‌زیرێن بۆ كاروبارێن دارایى ئاماژه ب هندێ ژى كر، ده‌ركه‌ڤتن ژ وێ لیستێ فاكته‌ره‌كێ گرنگه بۆ راكێشانا سه‌رنجا وه‌به‌رهێنه‌رێن بیانى ، ژلایه‌كێ دیڤه ، مه‌ترسیێن گرێدایى ب كارتێكرنا تێچوویێ پرۆژان كێمدكه‌ت، و ئه‌ڤێ دێ ره‌نگڤه‌دانه‌كا ئه‌رێنى لسه‌ر هه‌مى كارێن بیانى یێن ئابوورێ عیراقێ هه‌بیت.
Comments are closed, but trackbacks and pingbacks are open.