(دلۆڤان ئەمجەد بارزانی)
غیانەت یا دگەل خوینا ئێکەتیێ تێکەل بووی و ب سپونسەریا ئێکەتیێ یا بەردەوامە ، ھەردەم خو فروشی و وەلات فروشی لێ د ھێتە چاڤەرێ کرن ، دیرۆکا ئێکەتیێ بخوینن دێ بو ھەوە دیار بیت کو نە بەس نھا بەلکو ھەر دکەڤن دا ئەڤ پارتە یا ھاتیە دامەزراندن ل سەر بناغێ غیانەتێ و تێکدانا ناف مالا کوردی ، ھەروەسا دەستێ وان ھەردەم دگەل دوژمن و داگیرکار و نەیارێن مللەتێ کورد بویە و ھاریکار بوونە بو تێکدان و نەئارامیا رەوشا کۆردستانێ .
جیلێ نوی غیانەتا (١٦)ـێ ئوکتۆبەرێ ب چاڤێن خو دیت کا چاوا کەرکوك فروت ئەو کەرکوکا “بارزانی نەمری” ب (دلێ کوردستانێ) دانای و ناڤکری .
ڤان روژا ژی بو ھەمی خەلکێ کۆردستانێ دیار بوو کا کێ نە دژی ب دەستڤەئینانا دەستکەفتێن مللەتێ کورد و بژێوا ژیانا وان کەسێن کو ب دەنگێن وان چوینە پەرلەمانێ عیراقێ ، ئەڤە دێ وەسا بنە دەنگ و رەنگێن مللەتێ کورد و دەنگدەرێن خوە ، دێ ب ڤی رەنگی نوێنەراتیا خەلکێ ب شەرەفێ کوردستانێ کەن ، برینا پاشەکەفتێ مووچەیێ مووچە خورێن مللەتێ کورد ئێك بوو ژ ئارمانجا سەرەکی یا ئێکەتیا نیشتمانی یا کۆردستانێ ، مە ھەمیان ب چاڤێن خوە دیت و ب گوھێن خوە گوھ لێ بوو چاوا ب گرنژین و کەنیڤە باس ل لێ برینا پاشەکەفتێ مووچەی دکر چەند دلخوش بوون ب پەسەنکرنا وێ برگێ و ماددەی ب چەپلە رێزان ڤە دگەل عەرەبێن شوڤینی پشێوازی لێ کر ، ھەروەسا ھەمی ھەول و پێکولا یێن دکەن کۆ سلێمانی ل ھەرێما کۆردستانێ جودا بکەن ،نە بتنێ ئەڤە ژی چەندەھا جورێن دیێن غیانەتێ یێن کری ل ئەڤێن ئەز باس دکەم نووی نە و جیلێ نویی ب چاڤێن خوە دیتن .
لەوما دڤێت بێژین ئێدی بەسە بلا چاڤێن مە ھەمیا د ڤەکری بن ئەمێ دبینین کا کێنە دژی دەستکەفت و خوشگوزەرانیا ھەرێما کۆردستانێ ، و کێنە نورێنەرێن راست و درست و خەمخورێن مللەتێ کورد و شەری ل سەر ب دەست ڤەئینانا مافێن رەوایێن گەلێ کورد دکەن ھەم ل پەرلەمانێ عیراقێ و ھەم ل پەرلەمانێ ھەرێما کۆردستانێ .
پارتا دیموکراتا کۆردستانێ ھەردەم خەبات و تێکوشان و خوە کریە قوربانی بو دابین کرنا بژێوا ژیانا خەلکێ ب شەرەف و کوردپەروەرێن کوردستانێ و بو ب دەست ڤەئینانا دەستکەفت و خوشگوزەرانیا ھەرێمێ ھەمی ھەول و پێکول کرینە بێ راوەستان ھزرا وان ھەردەم ل سەر مافێن رەوایێن گەلێ کورد دابوینە .
لەوما پێدڤیە راستیێ ببینن و باش و خراپا لێك جودا بکەین ، تەر و ھشکا پێکڤە نەسوژین ، بەرژەوەندیێن گشتی و بەرژەوەندیێن تایبەت لێك جودا بکەین .
ئێکەتیێ بلا باش بزانیت ھندی پارتی و بارزانی مە ھەنە خەونا وان یا بەتالە و خیالا وان ژی دێ ھەر خەیالی مینیت .
سەرۆک و مەرجەعێ بالایێ کوردان رێزدار (مسعوود بارزانی ) د پەیامەکێ دا بەرامبەر ھەر جورە پێکول و دەسدرێژی و بێ باکییەکێ بۆ تێکدان و نەھێلانا ھەرێما کۆردستانێ گوت : ( ھەرێما کۆردستانێ نەك بتنێ ھێلا سورە ، بەلکو ھێلا مرنێ یە و یان کۆردستان یان نەمانە )، ھەروەسا گوت ژی جەختێ ل ھندێ دکەینەڤە کو ھەرێما کۆردستانێ ، ملکێ گەلێ کۆردستانێ و بەرھەمێ خوین و خەباتا گەلێ کۆردستانێ یە .
پە‌یامە‌ك ژ سە‌رۆك بارزانی بۆ رایا گشتی
جھێ داخە‌كا زۆرە كو د چەند رۆژێت بووری دا دناڤ جڤاتا نوینە‌رێت عیراقێ دا بزاڤە‌كا نە بە‌رپرسانە و بە‌روڤاژی دە‌ستووری بۆ كویركرنا كێشە‌یان و بنپێكرنا مافێت رە‌وایێت گەلێ كوردستانێ ھە‌بوو. ھەمی لایە‌ك ئاگە‌ھدارن كو بە‌ری نوكە دانوستاندن و رێككە‌فتنە‌كا ئاڤاكە‌ر دناڤبە‌را لایە‌نێت پێكھینە‌رێت ئیدارە‌یا دە‌ولە‌تێ ب ئاراستە‌یێ نەھێلانا كێشە‌یان د مە‌یدانێ دا بوو. ھە‌رھوسا حكومە‌تا عیراقێ و كوردستانێ ب دە‌رئە‌نجام و رێككە‌فتنێت زۆر باش گە‌ھشتبوون بۆ ھندێ ئاریشە‌یان چارە‌سە‌ربكە‌ن و ھەمی لایە‌ك خزمە‌تا سە‌قامگیریا ولات و ژیان و ژیارا خە‌لكی بكە‌ن ، بە‌لێ ب مخابنیڤە ھندە‌ك لایە‌نێت سیاسی ب نە‌فە‌سە‌كا حاشاتیلێكرنێ و نە‌بەرپرسیارە‌تییانە ب رێكا دە‌ستكاریكرنا برگە‌یێت پرۆژە‌یاسایا بودجێ ڤیا وە‌بكە‌ن كو چ رامانە‌ك بۆ كیانێ ھەرێما كوردستانێ نە‌مینیت. بە‌لێ ئەو بزاڤێت نە‌بە‌رپرسانە سە‌رنە‌گرتن و ھاتنە ژناڤبرن. رویدانێت چەند رۆژێت بوورییێت جڤاتا نوینە‌ران پە‌ردە لادا لسە‌ر روویێ راستە‌قینە‌یێ لایە‌نێت شوفێنی و موزایە‌دچییان و ھە‌رھوسا ھەمی ئەو كە‌سێت نە رێزێ ل سوز و ئیمزایێت خۆ دگرن و نە ژی رێزێ ل بنە‌مایێت دە‌ستووری دگرن.
نوكە ژی پرۆژە یاسایا بودجێ ل جڤاتا نوینە‌رێت عیراقێ پە‌سە‌ند كر ، ھیڤدارم ئە‌وا ھەی ب ئنیە‌تە‌كا پاقژ بھێتە بجھئینان.
لگە‌ل ھندێ ژی دوپات دكە‌ین كو ھەرێما كوردستانێ مولكێ گەلێ كوردستانێ یە بەرھەمێ خوین و خەباتا گەلێ كوردستانێ یە . و ب توندی ل بەرامبەر ھەر جۆرە بزاڤ و دە‌ستدرێژی و چە‌پە‌لیە‌كێ بۆ تێكدان و نەھێلانا ھەرێما كوردستانێ دێ راوە‌ستین.ب دیتنا مە ھەرێما كوردستانێ نەك بتنێ ھێلا سوورە بە‌لكی ھێلا مرنێ یە و یان كوردستان یان نەمانە.
ھەروەسا رێزدار (مەسرور بارزانی) سەرۆکێ حکومەتا ھەرێما کۆردستانێ د تویتەکێ دا دیار کر و گوت ( ھەمی ئالیەك بلا دلنیا و پشت راست بن ھەرێما کۆردستانێ دێ بھێزتر بیت و سازشێ ل مافێن دەستوری ناکەین )
ھەروەسا گوت ژی ھەلوێستا جوامێری و نیشتیمان پەروەری ل لایەکێ و نەپاکی و نیشتمان فروشی ل لایەکێ دی ، دێ ل لاپەرێن دیرۆکێ دا ھێنە تومارکرن .
ئەم چجاران چاڤەرێ تشتێ باش نەبووینە ل عیراقێ چونکێ دوژمن ھەر دوژمنە و نابیتە دوست مەزنا پەیڤەکا پری بھا و رامان ل سەر ڤێ چەندێ گوتیە ، دبێژن ( دۆژمنێن باب و کالا نابنە دۆستێن لاوا)
ھەروەسا گوتنەکا دیا مەزنان یا ھەی دبێژن ( دەردێ نەڤیانێ دەردەکێ گران و بێ دەرمانە ) .
ئەڤ چەندە یا روونە بۆ گەلێ کوردستانێ لێ یا نەخوش و ب ئێش و ئازار کو مللەتێ کورد خەمێ ژێ دخوت غیانەت و نیشتیمان فروشیا کوردی یە دگەل گەلێ کورد ، ئێکەتی وەسا دژی کوردستانێ رابوو ھەتا وی رادەی کو شیعەییان چەپلە بۆ ئێکەتیێ لێدان ، ب راستی جھێ شەرم و زاریێ یە دگەل دوژمنی رێك بکەڤی .
ئەرێ خەلکێ سلێمانی بوچی ھەتا نوکە وێ پسیارێ ژ خو ناکەن :
_ ئەرێ بوچی ئێکەتیێ ژ دەنگدانێ دترسیت و نەڤێت دەنگدان ل ھەرێما کۆردستانێ بھێتە کرن ؟
_ ئەرێ بوچی ئێکەتی وەسا ل دژی ب دەست ڤەئینانا دەستکەفت و مافێن رەوایێن مللەتێ کوردن ؟
_ ئەرێ بوچی ئێکەتیێ ھندە حەز دکەت سلێمانی ل ھەرێما کۆردستانێ جودا بکەن ؟
_ ئەرێ بوچی ئێکەتی داھاتێ سلێمانی رادەستێ حکومەتا ھەرێما کۆردستانێ ناکەت ؟
_ ئەرێ داھاتێ سلێمانی کێڤە دچیت و چلێ دکرن نە پروژەییەك دھێتە دروستکرن و ئەوێن دەرچوی ژی نە ھاتنە چێکرن ؟
_ ئەرێ ئێکەتیێ بوچی نەڤێت پاشەکەفتێ مووچەیێ مووچە خورێن ھەرێما کۆردستانێ بھێتە دان و پەسەندکرن ؟
چەندین پسیارێن دی و بەرسڤ ژی یا روون و ئاشکراییە دڤێت ئەو بخو بزانن چونکێ سلێمانی ب پایتەختێ روشەنبیریێ یێ ھاتیە ناسین ، وەکی ئەو دبێژن و باس دکەن لێ مخابن .. بلا یادی بمینیت نە بێژم باشترە ..!!!
Comments are closed, but trackbacks and pingbacks are open.