فوئاد حسێن، وەزیرێ دەرڤە و جێگرێ سەرۆکوەزیرێن عیراقێ ل سەنتەرێ وێڵسن ل واشنتۆن دەربارەی عیراقێ ڕاگەهاند، ناڤەڕۆکا ئاریشەیێن عیراقێ، سیاسەت و عەقلیەتا ناڤەندگەراییە.
فوئاد حسێن ڕاگەهاند، کلیلا چارەسەرییا ئاریشەیێن ئابووری یێن عیراقی، شۆڕکرنا دەستهەڵاتایە، کو د عیراقێ دا ئەو بوچوونە نینە.
وەزیرێ دەرڤە یێ عیراقێ ئاماژەکر،”سەرۆکێ ئەمه‌ریکا، هه‌ردوو وەزیرێن دەرڤە و بەڕەڤانییا وی وەڵاتی، پێشتر ل عیراقێ بوون و تێگەهشتنەکا باش بەرامبەری هەرێما کوردستانێ و عیراقێ یا هەی، لەوڕا مە دڤێت دوست و هەڤپشکێن مە هەڤکارێن مەبن د باشترکرنا ئابووری و دابینکرنا خزمەتگوزارییان دا ل عیراقێ.”
فوئاد حسێن، وەزیرێ دەرڤە یێ عیراقێ گوت ژت:” ئەز دبینم شۆڕکرنا دەستهەڵاتان چارەسەرییا سەرەکی یە بۆ چارەوسەرکرنا ئاریشەیێن ئابووری یێن عیراقێ، بەلێ ل دەمێ ئەز وەکی کوردەک دەربارەی ڤی بابەتی دگەل بەرپرسێن بەغدا د ئاخڤم، ئەوان دیتنەکا دی یا هەی، عیراق خودان دەستوورەکێ لیبڕالییە، بەلێ سیستەمێ وێ سیستەمێ دەستهەڵاتەکا ناڤەندییە، هەڤدژە دگەل ئاراستەیێ گەلی.”
هەروەسا گوت:” شۆرکرنا دەستهەڵاتێ بتنێ پەیوەندی ب گۆهڕینا دەستووریڤە نینە، بەلکو پێدڤی ب گۆهڕینا کەلتوور و شێوازێ هزرکرنا بەرپرسێن عیراقێ یە ل بەغدا، ئەگەرەکێ سەرەکییە وەبکەت کەلتوورێ شۆڕکرنا دەستهەڵاتان ل عیراقێ، ب تایبەتی د بوارێ ئابووریدا، سەختە بیت.”
وەزیرێ دەرڤە یێ عیراقێ د بەرسڤا پرسایارەکێ دا کو بوچی عیراقێ بتنێ پشتبەستن ل سەر نەفتێ کریە و چ وەبەرئینانەکێ د غازێ دا ناکەت گوت:” ساڵانە ئەم 4 ملیار دۆلاران بەرامبەری کڕینا غاز و کارەبێ ددەینە ئیرانێ، دگەل هندێ ژی هێشتا هندەک کەس یێن هەین وەسا هزر دکەن نابیت وەبەرئینانا غازێ ل عیراقێ بهێتە کرن.”
Comments are closed, but trackbacks and pingbacks are open.