كۆمبوونا شاندێ ئيراقى ب سه‌رۆكاتيا وه‌زيرێ ده‌رڤه ل گه‌ل وه‌زاره‌تا گه‌نجينه‌يێ يا ئه‌مريكا ئه‌ڤرۆ ئه‌ينيێ ب دويماهيك هات و به‌غدا و واشنتۆنێ ته‌كه‌زى ل سه‌ر به‌رسينگگرتنا سپيكرنا پاره‌ى كرن.
د به‌يانه‌كا وه‌زاره‌تا گه‌نجينه‌يێ يا ئه‌مريكا دا هاتيه؛ وولى ئه‌دييمۆ جێگرێ وه‌زيرێ گه‌نجينه‌يێ يێ ئه‌مريكا ل گه‌ل د. فوئاد حسێن جێگرێ سه‌رۆكوه‌زيرێ ئيراقێ و وه‌زيرێ ده‌رڤه و عه‌لى عه‌لاق پارێزگارێ به‌نكا ناڤه‌ندى كۆمبوون و هه‌ردو لايان ره‌وشا ئابوورى يا ئيراقێ و پلانێن چاكسازيێ د كه‌رتێن ئابوورى و دارايى دا گه‌نگه‌شه كرن.
د به‌يانێ دا هاتيه ژى؛ هه‌ردو لايان ته‌كه‌زى ل سه‌ر پێگريا ئالوگۆڕ ب رێكارێن به‌رسينگگرتنا سيپيكرنا پاره‌ى، رێگريێ ل ته‌مويلكرنا تيڕۆرێ و به‌رده‌واميا په‌يوه‌نديێن دوقولى يێن ئابوورى دناڤبه‌را ئه‌مريكا و ئيراقێ دا بۆ بهێزكرنا ئابوورێ ئيراقێ كرن.
هه‌ردو لايان د ته‌وه‌ره‌كێ دى يێ كۆمبوونێ دا به‌حسێ قه‌بخوازيێن ئابوورى ل ئيراقێ وه‌كى گه‌نده‌ليێ، پشتبه‌ستن ل سه‌ر په‌ترۆلێ و كێشه‌يا بهايێ خه‌رجكرنا دۆلارى كرن.
د. فوئاد حسێن ب سه‌رۆكاتيا شانده‌كێ ئيراقى دوهى پێنجشه‌مبيێ گه‌هشتبوو واشنتۆن و ل گه‌ل وه‌زيرێ ده‌رڤه يێ ئه‌مريكا و ژماره‌يه‌كا به‌رپرسێن كه‌رتێن دارايى و به‌نكى يێن ئه‌مريكى كۆمبوو.
بابه‌تێ بهايێ خه‌رجكرنا دۆلارى ئێك ژ ته‌وه‌رێن سه‌ره‌كى يێن دانوستاندنێن ئيراقێ و ئه‌مريكا د سه‌ره‌دانا شاندێ ئيراقى يا ڤێ دويماهيێ دا بوو
Comments are closed, but trackbacks and pingbacks are open.