به‌رپرسه‌كێ ده‌سته‌یا گشتیا وه‌به‌رهێنانێ ئاشكرا كر، بڕیاره ل نێزیك كۆنفرانسه‌ك ل دۆر كه‌رتێ وه‌به‌رهێنانێ بهێته ئه‌نجامدان و نوكه ده‌سته‌یا وه‌به‌رهێنانێ كار بۆ راگه‌هاندنا پڕۆژێن ئه‌ڤ ساله دكه‌ت.
دكتۆر هه‌ڤال سه‌دیق، رێڤه‌به‌رێ گشتیێ مۆهله‌تدانێ ل ده‌سته‌یا گشتیا وه‌به‌رهێنانێ خویا كر، د كۆنفرانسی دا ئاریشه و بابه‌تێن گرێدایی كه‌رتێ وه‌به‌رهێنانێ دێ هێنه گه‌نگه‌شه‌كرن، كار بۆ پێشڤه‌برنا كه‌رتێ وه‌به‌رهێنانێ ل هه‌رێما كوردستانێ دێ هێته كرن و گۆت: “كۆنفرانس پشتی جه‌ژنا ره‌مه‌زانێ دێ هێته كرن، به‌لێ ژڤانێ ئه‌نجامدانا وی هه‌تا نوكه دیار نینه”.
دكتۆر هه‌ڤال سدیق گۆتژی: “هه‌ژماره‌كا پڕۆژه‌یێن وه‌به‌رهێنانێ هاتینه به‌رهه‌ڤكرن و بڕیاربوو به‌ری نوكه بهێنه راگه‌هاندن، به‌لێ پرۆسا راگه‌هاندنا وان گیرۆ بوو، نوكه كار ل سه‌ر دهێته كرن ل نێزیك ئه‌و ژی بهێنه راگه‌هاندن، هه‌تا وه‌به‌رهێن داخوازیێن خوه پێشكه‌ش بكه‌ن بۆ ئه‌نجامدانا وان پڕۆژه‌یان، ئه‌ڤ ساله ب تنێ مه مۆهله‌ت دایه 11 پڕۆژه‌یان، مه گه‌له‌ك كێم مۆهله‌ت داینه پڕۆژێن ئاكنجیبوونێ، ژ به‌ركو سیاسه‌تا حوكمه‌تا هه‌رێما كوردستانێ ئه‌ڤه‌یه زێده‌تر گرنگی ب كه‌رتێ چاندنێ و پیشه‌سازی و گه‌شتیاری بهێته‌دان”.
Comments are closed, but trackbacks and pingbacks are open.