دلدار محەمەد
دەستێن خۆ ب چاڤێن خۆ ڤانان، و ئەڤ جارە ژی خۆزیکا خۆ داحویرا و دوماهیک نووچەیێ وەکی خەنجەرێ د ئۆمێدا وی را چوویە خوار ، هەستێن وی یێن وەستیایی و رێیا وی یا پری مژ ، رێ لێ نەگرت دناڤ بازاری دا دناڤ وان هەمی زاروکێن کارکەر ڕا دناڤ وان هەمی سەروچاڤێن پۆسی دەرا دەرباز نەبیت ، دناڤ وێ کەلەژانێ دا ب دلگەرمی وی ژڤان بوو دگەل جزیری ، بەلێ جزیری ڤێ جارێ سترانان ناڤەلوڤرینیت ، وەک مێڤانی گوتی ئەڤە عادلە و ئەز دزانم ئەو چ دکەت ئەوی گوهلێ ببو د بێژن دێ لایێ دی هێتە پێشکێشکرن، هۆلا نە هەمی تژی پرسیارەک د ناخێ وی دا چاند ، ئەم دێ کەنگی دگەل خۆ ئاش بین و جارجاران ڤەگەرینە خۆ ، کا ئەو هەمی خەلکێ بۆ کونسێرتێن بیانیان ب غار دچن ! ؟
هند خۆدیت لسەر دەپێ شانۆیێ یێ رەش کەلەخێن کوترێن ئاشتیێ بەلاڤبوون ، تژی سەر وی دەپێ شانویێ پرتێن دلان بوون ، هند خۆ دیت یێ دناڤ لایێ دی دا د روندکێن خۆ دا نقوم بوی ، ئەو گوتن وی دەمی د گوهێن وی دا دەنگڤەدا ،، برا مادێ هێمە چ ئەم ب خۆ شانۆ ینە! ،، راستی ژی ئەم ژی شانۆ بوین ئەو ب ئەکتەری و لڤیناخۆ ئەم ژی ب ئاخینک و ب روندکێن خۆ
هەکو د تبلێن وی لسەر کیبوردی د گەریان ، هەست ب پرت پرتبوونا خۆ کربو زانی کو هندەک پرت ژ وی ڤەگەریا بوون ، بەلێ هێشتا هندەک مابوونە دناڤ نامەیا هۆگری دا و دلێ وی دناڤ وێ دا ببو دۆزەخەکا پری ئاگر ئەو دزانیت هێشتا نوکە ژی هندەک پرتێن وی یێ دماینە دگەل دەنگێ قەدری هەکو روناهی لناڤ چاڤێن بینەران دگێراند و هەواردکر: کەسەکێ ساخ مایە ؟!
ژ بێدەنگیێ دەرکەفت ،ب مەسنجەری گوتە هەڤالێ خۆ یێ سەرقژاڤژ : برا بخودێ ئەڤه لایێ دی نەبوو ، ئەڤە خەم و ئێشان و نە نڤستن و نە هشیاریا ڤی لایی بوو
Comments are closed, but trackbacks and pingbacks are open.