بەرپرسێ لژنەیا پەیوەندییێن دەرڤەی یا جڤاتا نوونەرێن ئەمریکا داخواز ژ وەزیرێ دەرڤە یێ وەلاتێ خۆ دکەت بزاڤێن خۆ بێخیتە کاری ب مەرەما چارەسەرکرنا ئاریشەیێن دناڤبەرا ھەولێر و بەغدا دا.
مایکڵ مکۆڵ، بەرپرسێ لژنەیا پەیوەندییێن دەرڤە یا جڤاتا نوونەرێن ئەمریکا رۆژا، 2 شوباتا 2023، نامەیەک ئاراستەی ئەنتۆنی بلینکن، وەزیری دەرڤە یێ وەلاتێ خۆ کریە و تێدا ئاماژە کریە، کو پێکئینانا حکومەتا نوو یا عیراقێ ب سەرۆکایەتیە، محەمەد شیاع سوودانی ل ئۆکتووبەرا سالا بووری”دەلیڤەیەکا گرنگە” ژ بۆ بەرەڤ پێشڤەچوونێ د بیاڤێن جودا دا ل عیراقێ.
مایکڵ مکۆڵ دبێژیت: “پێدڤیە بەرپرسێن بەغدا و ھەرێما کوردستانێ یا فیدڕال و دانپێدانکری پێگیربوونا کۆنکرێتی ھەبیت ژ بۆ ھندێ پێکڤە کار بکەن، دا کو ئاریشەیێن دەم درێژ یێن پەیوەندیدار ب ژێدەرێن سروشتی یێن عیراقێ ڤە ب شێوەیەکێ بەردەوام و قەبوولکری ژ لایێ ھەردوو لایانڤە بھێنە چارەسەرکرن.”
مکۆڵ گوت ژی: “دلگرانم ب بڕیارا ڤێ دوماھیێ یا دادگەھا فیدڕالی یا عیراقێ دەربارەی پشکا بودجەیا فیدڕالی کو ئاماژەیەکە بۆ ھندێ کو ئەڤ ناکوکییا دەستووری نە ھاتیە چارەسەرکرن و دێ یا بەردەوام بیت و دێ کارتێکرن لسەر بزاڤێن تایبەت یێت ئاشتیێ دناڤبەرا بەغدا و ھەرێما کوردستانا فیدڕال یا دانپێدانکری ھەبیت و گەفەکا زێدەتربیت بۆ ھەبوونا باوەریێ، ئەڤە د دەمەکی دایە رەوشەکا دژوار ب سەر ژیانا گەلەک ژ عیراقیان دا گرتیە.”
Comments are closed, but trackbacks and pingbacks are open.