هاتیە وەرگرتن ژ پەرتووکا #دا_هزرێن_نەدرۆستێن_ساخلەمیێ_ڕاستڤەبکەین
کوخک وپەرسیڤ ئاریشەکا گەلەکا مشەیە وبێزارکەرە بۆ نەساخی لەوما دێ نەچار کەت ل دویڤ ڕێکێن بلەز بگەڕیێت بۆ چارەسەریا ڤێ گرفتێ، ب تایبەتی دەمێ ئەڤ بێزارکرنە وی ھان د دەت داخوازا دەرزیکێن دژە میکرۆب ئانکو ئەنتی بایوتیک (مضاد حیوی) ل نۆژداری بکەت.
لێ یا ڕاست ئەوە کو پەرسیف نەساخیەکا ڤایرۆسییە، و ئەو جۆرە دەرزیک بتنێ ل سەر ھەودانێن بەکتیری کاردکەن، و چارەسەریا ھەودانێن ڤایرۆسی بتنێ بێھنڤەدان و دەرمانێن ئێش کوژە. و چێدبیت ئێک پسیارکەت بۆچی ئەز ژ ڤێ نەساخیێ چێنەبوومەڤە حەتا من دەرزیکەکا پڕۆکاین یان پەنسلین دانەنای؟! بەرسڤ ئەوە کو ڤێ نەساخیێ ماوەکێ دیارکری یێ ھەی ب دویماھی دئێت ئەوژی ٤-٥ ڕۆژانە ئەڤ ڤایرۆسە بخۆ نامینیت و نەساخ چارەسەر دبیت لێ نەساخ وەسا ھزردکەت کو ئەڤە ژبەر وێ دەرزیکێ بوو!! ھەرچەندە ھندەک کەس تووشی ھەودانێن بەکتیری دبن پشتی پەرسیڤێ مینا ھەودانا سیھا و ژ نیشانێن وێ دەرکەفتنا بلغەمەکێ زۆر ب ڕەنگێ زەر یان کەسک و بەردەوامیا تایێ بۆ پتر ژ ھەفتیەکێ (لێ ئەڤ نیشانە چێدبیت ھندەک جارا ل نەساخیا ڤایرۆسی بخو ژی ھەبن).
و چێدبیت ئێکێ دیتر پسیارکەت: ما چ زیان ھەنە کو ئەز ڤان دەرزیکا دانم (بەلکی چێبمەڤە!!) بەرسڤ ئەوە کو سەرەڕای زیانێن بکارئینانا ھەر دەرمانەکی، ئەڤ ئەنتی بایوتیکە دبیتە ئەگەرێ درۆستبوونا بەرگریێ (مقاومە) ژ لایێ میکڕۆبان ڤە بۆ ڤان جۆرە دەرمانان، بخۆ ئەگەر دپاشەڕۆژێدا ھەودانەکا بەکتیری پەیدابوو نەشێت کارتێکرنێ ل سەر بکەت.
بکورتی :دەرزیکێن ئەنتی بایوتیک بۆ ھەودانێن بەکتیری یا کاریگەرە بەلێ بۆ یێن ڤایروسی وەکی پەرسیڤێ یا بێ مفایە.
** گەر ئەڤ بابەتە ب دلێ تەیە ،هیڤیدکەین بو هەڤالین خو شێربکەی (مشارکە)
Comments are closed, but trackbacks and pingbacks are open.