رێڤەبەرێ پەروەردەیا قەزا ئامێدییێ راگەهاند، كار د نووژه‌نكرنا 13 قوتابخانه‌یان دا دهێته‌كرن، و ل ده‌مه‌كێ نێزیكى دێ هژماره‌كا دى یا قوتابخانه‌یان هێنه نووژه‌نكرن و سه‌خبیركرن.
وەجيهـ سەعید موستەفا رێڤەبەرێ پەروەردا قەزا ئامێدیيێ دیارکر، نوکە کار دنووژەنکرنا 13 قوتابخانه‌یاندا دهێتە کرن و گۆت: ژ بۆ پتر ئاگه‌هداربوون ل سەر رەوشا کاری، ئه‌وان سەرەدانا ژمارەکا ئه‌وان قوتابخانه‌یان كر یێن نوكه کارێ نووژەنکرن و سەخبیریکرن و ئاڤاكرنا هنده‌ك ژوورێن دى لێ دهێته‌كرن و دیاركر، کارێ نووژەنکرنا ڤان قوتابخانه‌یان ل سەر بودجه‌یا وەزارەتا پەروەردێ یا حکومەتا هەرێما کوردستانێیه، و ژلایێ رێڤەبەرییا گشتییا پەروەرده‌یا پارێزگەها دهۆکێ و رێڤەبەرییا پەروەردا قەزا ئامێدییێ دهێنە برێڤە برن.
زێده‌تر رێڤه‌به‌رێ په‌روه‌رده‌یا قه‌زا ئامێدییێ ئاشكراكر، پتر ژ 260 ملیون دیناران بو نووژەنکرنا ئه‌ڤان قوتابخانه‌یان هاتینە تەرخانکرن، و ل نێزیک دێ هژمارەکا دی یا قوتابخانه‌یان هێنە نووژەنکرن و سەخبیرکرن.
Comments are closed, but trackbacks and pingbacks are open.