پەیڤدارێ پۆلیسێن دهۆکێ ڕاگەهاند، سپێدەهیا ئەڤرۆ ل تاخێ رەزا ل سەنتەرێ پارێزگەها دهوکێ ژنەکێ هەڤژینێ خۆیێ بەرێ ب چەقۆیێ کوشت.
هێمن سلێمان پەیڤدارێ پۆلیسێن دهۆکێ دادیارکرن، ئەو روودان ل دەمژمێر ٦ ێ سپێدێ ل تاخێ رەزا ل سەنتەرێ پارێزگەها دهوکێ روویدایە. گۆتژی، ئەو ژن و زەلام پێشتر ژبەر ئاریشەیێن خێزانی لێک جودا بووینە نوکە ژی ناکوکی دناڤبەرا واندا چێبوویە و بوویە ئەگەرێ وێ روودانێ.
ئاماژە ب وێ ژی دا، ژیێ وێ ژنێ ٢٣ سالن و زەلامێ خۆیێ بەرێ یێ ٣٤ سالی ب چەقویێ کوشتیە و دویڤدا خۆ ڕادەستی هێزێن پولیسان کریە.
بەحسا وێ یەکێ ژی کر، ب بڕیارا دادوەری ڤەکۆلینێ بۆ وێ روودانێ هاتینە ڤەکرن و لدیڤ ماددەیێ ٤٠٥ ژ یاسایا سزادانا عێراقێ ئەو ژنە کو تۆهمەتبارە ب کوشتنا زەلامێ خۆ یێ بەرێ هاتیە دەستە سەرکرن و ڤەکۆلینان دگەلدا دەست پێکریە.
Comments are closed, but trackbacks and pingbacks are open.