ئابووری ;زێیێ بادینان:
رێڤەبەرێ گشتیێ بانکێن بازرگانی ل هه‌رێما كوردستانێ دیار كر: ڤێ پێنجشه‌مبێ مه ژڤانه بهێینه دهۆكێ و پرۆسا ھژمارا من ل پارێزگه‌ها دھۆکێ بهێته ده‌ستپێكرن و هه‌موو داتا و زانیاریێن پێدڤی بۆ هژمارا من ل دهۆكێ هاتینه وه‌رگرتن و مه ئه‌و داتایه هه‌موو داینه جڤاتا وه‌زیران و هه‌موو رێكار ته‌مام بووینه و هه‌كه وه‌زیرێ دارایی یێ حكومه‌تا هه‌رێمێ بهێته دهۆكێ دێ ده‌ست پێكه‌ین.
مەولود سابر، زێده‌تر گۆت: پرۆسا ھژمارا من بۆ فەرمانبەران ل پارێزگه‌ها ھەولێرێ تەمام بوویە و نوكه چار ھزار فەرمانبەر ب ماستەر کارتێ مووچێن خۆ وەردگرن، ل سلێمانیێ ژی ل ڕۆژێن بوری ب ئامادەبوونا نڤێسینگەها سەرۆکێ حکومەتا ھەرێما کوردستانێ و وەزیرێ دارایی و ئابووری یێ هه‌رێما كوردستانێ وێ پرۆسێ دەستپێکرییه و دێ د هه‌یاما شه‌ش هه‌یڤان دا ئه‌و كاره ب دووماهی هێت.
ناڤهاتی گۆت ژی: ل ڤێ حه‌فتیێ ل سنوورێ پارێزگه‌ها دھۆکێ دێ دەست ب پرۆسا ھژمارا من هێته كرن و پێشبینی دکەین هه‌تا دووماهییا ئەڤ ساله ئه‌و پرۆسە ب دووماهی بهێت و ھەموو فەرمانبەرێن ھەرێما کوردستانێ ب سیسته‌مێ بانکی مووچێ خۆ وەربگرن.
Comments are closed, but trackbacks and pingbacks are open.