د.دلدار زێباری:
ئەگەر مە بڤێت زمانێ مە یێ کوردی گەشە بکەت یا پیتیڤیە ئەم دوو پێنگاڤا پاڤێژین:
– دروست کرنا فەرهەنگەک ( قاموس) فەرمی یا ئەکادیمی بو هەرێما کوردستانێ کو هەمی نڤیسارێن میری و پەرتوکێن قوتابخانا و زانکویا ددیڤ ئەڤێ فەرهەنگێ بهێنە نڤیسان، چنکی ب مخابنیڤە نوکە مە زمانەکێ نڤیسانێ فەرمی یێ کوردی نینە بەلکو چەند دیالوک مە هەنە و هەر کەسەک بکەیفا خو وشا دروست دکەت و دنڤیسیت.
– دامەزراندنا سەنتەرەکێ وەرگێرانێ سەر ب وەزارەتا خاندنا بلندڤە کو کارێ وی سەنتەری وەرگێرانا پەرتوکێن ب زمانێن بیانی هاتینە نڤیسان بو زمانێ کوردی.
ئەم وەک زانکو زور دنالینین چنکی مە ژێدەرێن زانستی ب زمانێ کوردی زور کێمێن.
بو نمونە؛ گەشەیا زانستی ل جیهانا ئیسلامی دروست بوو ب شێوەیەکێ بەرچاڤ ل زەمانێ خەلیفێ ئیسلامێ خەلیفە( مامون هارون رەشید) چنکی ئەوی زور گرنگی دا ب وەرگێرانا پەرتوکێن زانستی یێن زمانێن بیانی هاتینە نڤیسان و وی فەرمان کر هەر کەسەکێ پەرتوکەکا زانستی یێن زمانێ بیانی وەرگێریت بو زمانێ عەرەبی د هندی قورسایا وێ پەرتوکێ د زێرا وەرگریت، ئەڤێ پێنگاڤێ ب هزاران پەرتوک هاتنە وەرگێران بو زمانێ عەرەبی و بهاریکاریا ڤان پەرتوکا پایتەختێ بەغدا بو سەنتەرێ زانستێ ل جیهانێ و قوتابی ل هەمی جیهانێ تاتنە بەغدا ژبو فێلبونا زانستێن جورەوجور.
Comments are closed, but trackbacks and pingbacks are open.