رێڤه‌به‌رێ ناحیا خانكێ دیاركر، كابینا نه‌هێ یا حكومه‌تا هه‌رێما كوردستانێ گرنگیه‌كا مه‌زن ب ناحیا خانكێ دایه و نوكه هژماره‌كا پرۆژێن خزمه‌تگوزارێ د وارێ بجهـ ئینانێدانه”.
زه‌رده‌شت شێخ شامو، رێڤه‌به‌رێ ناحیا خانكێ بۆ (باسنیوز) راگه‌هاند، نوكه پتر پرۆژێن جادە و سولینێن ئاڤرێژان ل ناحیا خانكێ دهێنه چێكرن، نوكه ل خانكێ 31 جادە ب كوژمێ پتر ژ ملیاره‌ك و 400 ملیۆن دیناران د وارێ بجهـ ئینانێدانه، ئه‌ڤ پرۆژه ژلایێ دوو بەلێنده‌رانڤه دهێته بجهـ ئینان، هه‌روه‌ها جادا سه‌ره‌كى یا خانكێ ب كوژمێ 745 ملیۆن دیناران هاتیه چێكرن نوكه ئه‌ڤ جادە یا ڤه‌كریه و كه‌فتیه دخزمه‌تا خه‌لكیدا “.
ئاشكرا كر، پرۆژێن چێكرنا جادە و سولینێن ئاڤرێژ ب سه‌ر هه‌می تاخێن خانكێ هاتنه به‌لاڤكرن و هه‌می جهـ دهێنه چێكرن بۆ پتر خزمه‌تكرنا وه‌لاتیان و به‌رده‌وام كار بۆ بجهـ ئینانا پرۆژە و چێكرنا جاده‌یان دهێته كرن”.
Comments are closed, but trackbacks and pingbacks are open.