وه‌زاره‌تا ساخله‌مییا عیراقێ راگه‌هاند، ل سێ پارێزگه‌هێن وى وه‌لاتى، هێزێن ئێمناهییێ ده‌ست ب سه‌ر 50 ته‌نێن ده‌رمانێن قاچاخدا گرت.
وه‌زاره‌تا ساخله‌مییا عیراقێ دراگه‌هاندنه‌كێدا ئاماژه ب هندێ دا، تیمێن سه‌ر ب وه‌زاره‌تا وانڤه شیان ل سێ پارێزگه‌هێن عیراقێ ده‌ست ب سه‌ر 50 ته‌نێن ده‌رمانێن قاچاخدا بگرن، و دیاركر، ل سه‌ر رێنمایێن وه‌زیرێ ساخله‌مییێ بۆ چاڤدێریكرنا ده‌رمانخانه‌یان و پاراستنا ساخله‌مییا وه‌لاتییان، ب هه‌ماهه‌نگى دگه‌ل وه‌زاره‌تا ناڤخۆ و ده‌زگه‌هێ ئاسایشا نیشتیمانى ل پارێزگه‌هێن به‌غدا، دیاله و نه‌ینه‌وا ده‌ست ب سه‌ر رێژه‌یه‌كا مه‌زن یا ده‌رمانێن قاچاخدا هاته گرتن.
ل دووڤ هه‌مان ژێده‌ر، د هه‌وه‌كێدا ژماره‌كا ده‌رمانخانه‌یێن ( وه‌همى ) هاتنه داخستن و 17 تومه‌تبار ژى ب تومه‌تا ب قاچاخبرنا ده‌رمانان ره‌وانه‌ى دادگه‌هێ هاتنه كرن.
Comments are closed, but trackbacks and pingbacks are open.