ئەحمەد جەمیل، رێڤەبەرێ گشتی یێ چاندنێ ل پارێزگه‌ها دهۆکێ بۆ “وشە” چوت، ئه‌ڤ ساله به‌رهه‌مێ پتاتان ل پارێزگه‌ها دهۆكێ 70% زێده بوویه و به‌رهه‌مێ وان گه‌له‌ك یێ باشه، حکومەتا هەرێمێ هاریکارییا جۆتیاران دكه‌ت داكو به‌رهه‌مێن خوە ل ناڤخوە یا هه‌رێمێ و ل دەرڤه‌یی هەرێما کوردستانێ ژی بفرۆشن و ئەڤ ساله پتات بۆ دەرڤه‌یی هەرێما کوردستانێ هاتینه هنارتن.
زێدەتر گوت، ل ئەڤان سالاندا ل پارێزگه‌ها دهۆکێ 126 کۆگه‌هێن سار بۆ هەلگرتنا به‌رهه‌مێن پتاتان هاتینه چێكرن و پتاتێن دهۆكێ ل سه‌ر ئاستێ هەرێما کوردستانێ و عێراقێ د پلەیا ئێكێ دانە و ڤێ چه‌ندێ وه‌كرییه كو بكر بۆ به‌رهه‌مێ پتاتان په‌یدا ببن و ئێدی به‌رهه‌مێ وان بۆ ده‌رڤه‌یی كوردستانێ دھێته هنارتن.
حوکمەتا هەرێما کوردستانێ روژانە نێزیکێ 500 تەنێن پتاتا رەوانەی دەرڤە دکەت ب تایبەتی بۆ وەلاتێ ئیماڕات کو خواستەکا زۆر ل سەر هەیە.
زورترین پتاتا کوردستانێ ل سنورێ پارێزگەها دهۆکێ دهێتە بەرهەمئینان ب تایبەتی ل دەشتا ناڤکورێ ل بەردەڕەش و دەشتا سلێڤانەی ل باتێل و دەشتا شێخان ل قەزا شێخان.
Comments are closed, but trackbacks and pingbacks are open.