زه‌نجه‌بيلێ ژماره‌يه‌كا مه‌زن ژ مفايێن ساخله‌ميێ هه‌نه و ئاڤا وێ كو ب چايا زه‌نجه‌بيلێ دهێته بناڤكرن بوويه ڤه‌خوارنه‌كا به‌ربه‌لاڤ و مالپه‌ره‌ك هنده‌ك مفايێن وێ ديار دكه‌ت.
مالپه‌رێ Boldsky به‌لاڤكريه؛ پێكهاته‌يه‌ك ب ناڤێ چينچيرۆل د زه‌نجه‌بيلێ دا هه‌يه كو دبيته ئه‌گه‌رێ باشتركرنا كريارا هه‌رسكرنێ و ژ به‌ر وێ خوارن بۆ ده‌مه‌كێ درێژ نامينيته د كۆئه‌ندامێ هه‌رسكرنێ دا.
فايبه‌رێن د زه‌نجه‌بيلێ دا رۆله‌كێ گرنگ د كێمكرنا تووشبوونێ ب نه‌خۆشيا په‌نجه‌شێرێ، نه‌خۆشيێن دلى و نه‌خۆشيا شه‌كرێ دا هه‌يه، هه‌روه‌سا پۆتاسيۆم و ژماره‌يه‌كا مه‌زن يا كانزايێن دى ژى د ئاڤا زه‌نجه‌بيلێ دا هه‌نه.
هه‌روه‌سا مادده‌يا كولين يا د زه‌نجه‌بيلێ دا، پێكهاته‌يه‌كا سه‌ره‌كى يه بۆ مه‌ژى و ده‌ماران ژ بۆ كونتاكێ، هه‌روه‌سا د گێول خۆشكرنێ و كارێ ماسۆلكه‌يان دا رۆله‌كێ باش هه‌يه.
مالپه‌رى ژماره‌يه‌كا مفايێن زه‌نجه‌بيلێ ديار كرينه وه‌كى: كێمكرنا عێلنجيان، باشتركرنا كريارا هه‌رسكرنێ، كێمكرنا هه‌ودانان، كێمكرنا كێشا له‌شى و كێمكرنا رێژه‌يا كوليسترۆلێ.
هه‌ر ژ كه‌ڤن ژى دا، زه‌نجه‌بيل وه‌ك چاره‌سه‌رى بۆ عێلنجيان و تێكچوونا هه‌رسكرنێ دهاته بكارئينان و ل گۆره‌ى لێكۆلينێن نوكه؛ دو گرامێن زه‌نجه‌بيلێ دبنه ئه‌گه‌رێ كێمكرنا عێلنجيان و ئاڤا زه‌نجه‌بيلێ ژ بۆ قووناغا پشتى تێكچوونا كارێ گه‌ده‌ى يا گرنگه
Comments are closed, but trackbacks and pingbacks are open.