ئەڤرۆ ئێک شەمبی مالپەرێ (وۆڵ ستریت جۆرنال) یێ ئەمریكی پێزانینێن نوو دەربارەی هێرشا درۆنی یا سپێدەهیا ئەڤرۆ بۆ سەر باژێرێ ئەسفەهانێ ئیرانێ بەلاڤکرن.
وۆڵ ستریت جۆرنال، لسەر زارێ چەند بەرپرسێن ئەمریکی بەلاڤکریە کو هێرشا درۆنی یا سەر بنگەهەکێ پیشەسازی یا سەر ب وەزارەتا بەڕەڤانییا ئیرانێ ل ئەسفەهان، ژ لایێ ئیسڕائیلێ ڤە هاتیە هاتیە ئەنجامدان و بۆ جارا ئێکێ یە لسەر دەمێ حکومەتا نوو یا بینیامێن نەتانیاهۆی دا، هێرشەکا بڤی ڕەنگی بۆ سەر ئاخا ئیرانێ بهێتە کرن.
ل گۆرەی ڕۆژناما ئەمریکی، هێرشا درۆنی د چوارچوڤێ بزاڤێن ئیسڕائیلێ دا دهێت بۆ سنووردارکرنا شیانێن ئەتۆمی و لەشکەری یێن ئیرانێ.
ژ لایەکێ دیڤە هەر ئەڤرۆ (جۆرسەلیم پۆست) یا ئیسرائیلی بەلاڤکربوو کو هێرشا درۆنی یا سەر ئەسفەهانێ، سەرکەفتنەکا مەزن ب دەستڤە ئینایە و ب تەمامێ ئارمانجا هێرشێ کۆنترۆلکریە، بەلێ دەولەتا ئیسڕائیلێ دڤێت د ڤی چوارچوڤەی دا بێدەنگیێ ب هەلبژێریت.
ڕۆژناما (نیویورك تایمز) یا ئەمریکی ژی ژ ژێدەرەکێ ئاگەهدار ڤەگوهاستییە کو درۆنێن هێرشا لسەر ئەسفەهانێ، دناڤ ئاخا ئیرانێ دا ڕابووینە.
Comments are closed, but trackbacks and pingbacks are open.