زەنون سلێڤانەی ـ زاخو
بێگومان ئەڤ رەنگە قەهرەمانێن نەمرو هەردەم ساخ دناڤا جەرگێ مێللەتی خودا چ جاران نەهاتیە ژبیرکرن .چونکە وان بدرێژاهیا تەمەنێ خوە هەتا لدوایێ یاتەمەنێ خوە تەرخانکرینە بو دوزا رەواێن میللەتێ کۆرد و خزمەتا چاند و زمان و کەلتورێ خوەیێ نەتەوەی کریە وەکو قەهرەمانەکی بهێز و سینگ پیلایێ و خورگر دچەپەرێن بەرگریکرنێ دا بخامەیێ خوە شیاینە دەربرینێ ژ ئێش و ئازارێن تەپەسەریا میللەتێ خوە بکەن .
بەلێ هەیا نها ژی هێشتا ناڤ و دەنگێ وان ماینە ل سەر زمان ۆ زاراڤێن کومەلگەهێ جڤاکی دناڤا بەرپەرێن دیروکێدا یێ هاتینە تومارکرن .، لەورا کاروانێ رەوشەنبیریا کوردی تەمامکەرا بەردەوامیدان ب شورەش و بەرخودانا میللەتی چ برێکا ڤەهاندنا هەلبەستێ . چیروك ، گوتارێن رامیاری و جڤاکی بشێوەکی گشتی بوویە تاکە رێك ژبو هشیارکرنا کومەلگەهێ و دەنگێ ئازادییا سەرخەبوونا میللەتێ کورد شاراندیە تەخ و چینێن میللەتی و هەژارو بەلەنگاز هانداینە بو دناڤ گورەبانا خەباتا سیاسی و هەستا نەتەواێەتیێ ژبو پاراستن و زمان و خاك و ناسناڤێ مروڤێ کورد
سەبارەت لدور گرنگیا ڤی بابەتی بکورتی دێ ڤەگەرن بال ئێك ژ ماموستا و نڤیسەرو هەلبەستڤانێ کوردێ نەمر ماموستا (صالح یوسڤی ) سیاسەتمدارو هەلبەستڤان و نڤیسکارێ خودان هزرمەند دکەلا گەرما دتەمەنێ گەنجاتیا خودا هشیاریەکا مەزن دگەهشتێ کو دزانی میللەتێ وی لژێر ستەم ونەهامەتیێ یا رژێمێ ڤە یێ دەربازدبیت ژ هینگێ وەرە هەستێ خوە دەربری هەلبەست دنڤێسین چەکەکی هەر بهێزو دقویناغێن بەرگرێکرنێ دا خەباتێ چەند هەلبەستێن وەلاتپارێزیێ و کورداێەتیێ و رێڤنگ و پێشمەرگاێەتیێ ئێخسیتە دخزمەتا بەردەوامیانا بزاڤا کاروانی چاند و زمان و رەوشەنبیریا نەتەوەی ناڤێن باژێرێن کوردا درێزکێن هەلبەستێ دا ڤەهاندیە مینا بەندا شنگارێ ، کەلا هەڤلێرێ چەندین هەلبەستێن دنژی دەنگێ خورتا دڤێ پارچە هەلبەستێ دا بڤی ئاوایێ دبێژت .
روژا مێرو خورتا هەلات
هاتین هاوارا تە وەلات
ژیێیێ لاوینیێ بە خەلات
جانێت خوە دێ کەینە قەلات
هەلبەت نڤیسەرێ کورد ماموستا (صالح یوسڤی ) تەڤلی دناڤ هێزێن سیاسیێن کوردی بوویە پەیوەندیا وی دگەل پارتا هیوا رولەکی بهێزو کاریگەر گێرایە چەند جاران پلێن بەرپرساتیێ وەرگرتینە بشێوەکی بنەرم و ئارامی رەفتارێن خوەیێن جوان گونجاندیە دگەل وێ ئەرك و بەرپرساتیێ دناڤا هێزێن سیاسی ئێش و ئازارو نەخوشیێن میللەتێ خوە لبەرچاڤ دهاتە پەیرەوکرن دگەل دەسپێکا مزگینیا دامەزراندنا پارتی دیموکراتی کوردستان بسەرکرداێەتیا بارزانیێ نەمر ل مەها تەباخا یاسالا ۱۹٤٦ دپارچە هەلبەستەکێ پەسنا رولێ کومەلا هیڤی دکەت و دبێژت …
روژا مە هەلات کومەلا هیڤی
پیروزبیت وەلات ڤێ جەژنا هیڤی
هێژایێ خەلات قەدنەشێن پەیڤێ
دێ چین دێ بورین پێگڤە کومەلێ
بەرهەمێن نڤیسکارێ نەمر ماموستا (صالح یوسڤی )چەندین جاران دبەرپەرێن گوڤارو روژنامەیان دا هاتینە وەشاندن چەندین جاران بوویە سەرنڤیسکارێ گوڤارا (شمس کردستان )کو شارەزاییەک باش هەبوو دچاند و زمان و ئەدەب و رەوشەنبیریا کوردیدا بەردەوام هەست ب ئێش و ئازارێن تەپەسەریێ و زیندان و قرکرنا میللەتێ کورد کریە لڤێرێ بو وەلاتێ حوە ئاخینکەکێ رادهێلیت دپارچە هەلبەستێ دا کەره مکریە و دبێژت ،
ئاخ و ئوخێت من دژوارن
برین کویرن سەد هزارن
خوشیامە وەلات و ژارن
هەمی لا و دوپشك و مارن
نڤیسەرو هەلبەستڤانێ کورد (صالح یوسڤی ژبەر وێ هەلویست و قەهرەمانیا وی بو دوزا پاشە روژا میللەتی کورد کەڤیتە دناڤبەرا چار دیوارێن گرتیخانەیا رژێمێ دا بجاڤ نەترسی بگیانێ بەرخودان بجەرگەکی هناڤ سوتی دڤێ پارچە هەلبەستێ دا وەها دبێژت،
حەیران بەندا تە دزانم
بێ وەلات و بێ نانم
ب ئێش و کولا گرانم
دڤێت ئەز بارێ خودانم
هەلبەستڤان و دیروكڤان و ره‌وشه‌نبیر و سیاسی, ڤه‌دگه‌رت بو بنه‌ماله‌ك كه‌ڤنار و ناڤدار ل زاخو, كو ئه‌وژی مالا شێخ ئیسفێ زاخویه ئه‌وێ ده‌ست هه‌لاتی ل زاخو كری پشتی روخاندنا میرگه‌هێن كوردا , دایكبونا وی ل سالا (١٩١٨) , خاندنا سه‌ره‌تایی ل بامه‌رنێ ته‌مامكریه, ئاماده‌یی سالا (١٩٣٨), ل به‌غدا بویه ماموستا ل حه‌ریرێ, پاشی ڤه‌گه‌را به‌غدا , خاندنا خو ته‌مامكر ل كولیژا شه‌ریعه‌تی ل سالا (١٩٤٣) هاته دامه‌زراندن كاتب ل دادگه‌ها میسل, هاته زیندان كرن ل سالا (١٩٤٧), پاشی دیر ئێخستن بو پارێزگه‌ها حلله, و ل سالا(١٩٤٩)دبیته نڤیسەرێ ل شنگالێ,
و پاشی هاته زاخو هه‌ر دیسا نڤیسەری, پاشی خوە ته‌رخانكر بو كاروبارێن سیاسی و پشتی رێكه‌فتنا ١١ ئادارێ ١٩٧٠ و ل ٢٩ ئادارێ ١٩٧٠بویه وه‌زیر, پشتی شکەستنا شوره‌شێ ل سالا ١٩٧٤, ل به‌غدا ئاکنجی دبیە ژ ئالیێ, سیخور و کرێگرتیێن هاوارگێریا رژێمێ ڤە برێکا هنارتنا نامەیەکا مینترێژکری دگەهینە مالا وی پاشی دگەهیتە لبەر دەستێ ماموستاێ نەمر ڤەدکەت و ئێکسەر دەست دا دپەقیت بوڤێ بوویەرا پری خەم وجەرگ هەژین,,
لروژا ٢٥ی خزیرانا یاسالا ۱۹٨۱ ) دئێتە شەهیدکرن ل روژا پاشتر تەرمێ ویێ پیروز دگەهیتە باژێرێ زاخو دگێرانا رێورسمەکی ژ هەژی و مەزن دا ل گورستان کەڤن دئێتە خاکسپاردن..
Comments are closed, but trackbacks and pingbacks are open.