▪ من دخوەست ببێژم …..

نڤیسین:ئەدیبا عزەدین تاهر

37 ساڵ بسەر وەغەرکرنا شەهیدێ نەمر (ئێدریسێ هەمیشە زیندی ) دەرباز بوو .ئیدریس بارزانی د مەها ئادارا(مارس) ساڵا 1944 ل دەڤەرا بارزان چاڤێ خۆە ب دونیایێ ڤەکر. ژییێ وی دوو ساڵ بوو دەمێ كوو دگەل باڤێ خۆە (مەلا مستەفای بارزانی ) ژ بوی پشتگیری و پالپشتی كرنا خەبات و دوزا کوردی یا باشورێ کورستانێ بەرەڤ باژێڕێ مەهابادێ چوو. ئێدریسێ هەمیشە زیندی ل ژییێ شەش سالیێ ل باژێرێ کەربەلا قوناغا سەرەتایی بوو چوونا دبستانێ دەست پێکرو تا دەمێ ڕووخیانا دەسەڵاتا پاشایێ عراقێ ژ دیتنا باڤێ خوە بێ بەهر بوو.
دمێ ڤەگەڕیانا مەلامستەفایێ بارزانی ژ ڕوسیاڤە بوو كوردستانێ و د دەستپێکا سالا 1961 ئێدریس بارزانی بوویە ئەندامێ ڕێزێن پێشمەرگە و د شەڕ و جەنگاندا بەشدار بوویە. ئێدریس بارزانی پشتی 9 ساڵان وەکو پێشمەرگە و شوڕەشگێڕ ل ساڵا 1970 ل گونگرەیا هەشتێ یا پارتی دیموکراتی کوردستان بوویە ئەندامێ کومیتەیا ناڤنجی(ناوەندی). د دەستپێکا دانوستاندن و گرێدانا پەیماننامەیا دناڤبەرا عیراق و کوردان دا ئێدریس بارزانی مل ب ملێ باڤێ خوە و برایێ خۆە (مەسعوود بارزانی) ل ئەڤان دانو ستاندنان بەشداربوویە.
ئێدریس بارزانی ب دڕێژاهیا دیرووكا جەنگاوەرێن شوڕەشا كوردی و ئازادیخوازیا كوردان ب ئێکەک ژ کەسێن (ئاشتی خوازێن نەتەوەیی ) هاتیە هەژمار كرن .ئیدریس بارزانی کەسەک مەزن بوو ،مەزناتیا وی بوو تێگەهشتن و زانین و سیاسەتا وی ڤەدگەڕێت و ب مڕوڤەکێ ژیر دهاتە نیاسین ،ڕولەکێ کاریگەر و کارا هەبوویە دناڤا سیاسەتا دوزا کوردی و بزوتنەوەیا رزگاریخوازا کوردیدا. کەسایەتیەکا دیار و ل هەموو باراندا كەسەك شارەزا بوویە و مەبدەع و بیرو وباوەرێن کوردایەتی و ڕێبازا بابێ خۆە مەلا مستەفا بارزانی گرتبوویە بەر ئوو ئێکەم کەس بوو کوو دەمێ کورد بەرەڤ ئیرانێ ئاوارە بووین شیایە ب کارو بارێن خیڤەتگەهان (ئووردوگاە ) رابیت ژ بو دابین کرنا جهی بوو وان کەسێن کوو دەربەدەرێ وەلاتێ ئێرانێ بووین و بوویە ئەگەرێ هندێ کوو جهەک وەکو خیڤەتگەھ بو کوردێن ئاوارە بێتە دابین کرن كوو ئێک ژ وان (ئووردوگایێ زێوە) بوو هەروەسا ڕولەکێ کاریگەر هەبوویە د بارێ (سیاسی، ئابووری ،کومەلایەتی ، پێگەهاندنێ) كوو هندی مڕوڤ بەحسێ ڤی زەڵام و كەسایەتیا مەزن بکەت ل دوور کار وهزرو بیر و خەباتا وی ژ بوو ڕزگارکرنا پرسا کوردی هێشتا هەر کێمە .ئەڤڕو دڤێت کوو مفا ژ گوتن و هزرێن ڤی مەزنی وەربگرین ژ بووی ڕزگار کرنا گە لێ کورد ژ بن دەستێ دوژمنێن خوینخوارو ستەمكار.

“ئێدریس بارزانی ب دڕێژاهیا دیرووكا جەنگاوەرێن شوڕەشا كوردی و ئازادیخوازیا كوردان ب ئێکەک ژ کەسێن (ئاشتی خوازێن نەتەوەیی ) هاتیە هەژمار كرن”

من دخوەست ڤێ ببێژم كوو:ئەرێ گەلوو باشە ئەم خودانێن دیرووكەك ڕەسەن و کوردین، خودانێ گەل و ئاخ و زمان وکلتوورێن خوەینە، خودانێ کراس و فیستان و شال و شەپە کێن خوە، ئەرێ مانە بوو گێڕانا ڤان جورەێن ڕێو ڕەسمان دڤێت ب جلێن کوردی پێشوازی ل ڤان بیرەوەریان بکەین؟؟ ما ئەم نە خودانێ دوزا کوردی و خودانێ(شێخ سەعید پیران و سمکویێ شکاک و شێخ مەحمودێ حەفید و شێخ ئەحمەدێ بارزانی و شێخ سەلام و مەلا مستەفای بارزانی و ئێدریسێ جانە مەرگ و خانزادا میرێ سوران و ئامینە خان و مینا خان ،زکیە خان و حەبسە خان و هتد …… )ین ئوو ئەڤە هەموو ب جلو بەرگێن کوردی و پاراستن فەرهەنگ و چاندا كوردی دهێن نیاسین ؟ یا وانە شەڕ ب جلێن کوردی نە دکرن؟!! ئایا جەنگاوەر و پێشمەرگەیێن ب جلێ كوردی نەبوون؟؟!!!،ئایا ژن و ئافرەتا ب جلێن کوردی مل ب ملێ پێشمەرگەی خەبات نەدكر؟ ئەرێ بو چی ل ڤی سەردەمی د یاد کرنا کەسایەتییەكێ هوسا بووها گران ،و هەر كەساتی و سەركردەیەك دی ژی ئەم ب جلێن کوردی بەشداری مەراسیمێ نابین؟؟ژوە دپرسم گەلووو بۆ؟؟؟
جلێن کوردی د جیهانێدا ب جوانترین جل هاتینە نیاسین ،هەر ئەو جلێن کوو چاندێ گەلێ من،گەلێ کوردان ددت نیاسین ،باشە گەلوو ما هەر گەل و وەڵاتەک ب ڤێ چەندێ ناهێتە نیاسین ؟؟ جارنا د تەلڤزیونێدا دبینم ژ بووی کەیف و خوەشی و یان ژی مەراسیمێن گرنگ ل پڕانیا وەڵاتێن جیهانێ خەڵك جڵێن خوە نیشانی جیهانێ ددەن ئوو ب جلێن خوە یێن ڕەسن د مەراسیم و فێستیڤال و بیرەوەریاندا دەردکەڤن!!!…
کورد ژی چوو کێمتر نینن ژ ڤان وەڵاتان ، كوردان ژی ئاخ و زمان و چاند و كلتوور و بیروباوەرێن خوە و جلێن خوە هەنە كوو جلێن کوردینە لەوەندی و شال و شەپکێن ئەو جلێن کو چێدبیت ژ شریناهیا جوانیا وان خەلکێ بیانی ژی کەیف ب وان ڕە بهێت و حەژی بكەن و حەتا كوو دكەن بەرخوە ژی و ئەڤە بو من وەکو تاکەکێ کورد جهێ سەربلندی و شانازییێ یە. ب دیتنا من ئەڤە جهێ گووتنێ بوو لەوما من دخوەست كوو ببێژم و گەلەک یا گرنگە كوو بهێتە بەرچاڤ گرتن. ڕاستە هەموو گاڤا ب تایبەت ل دامودەزگەهێن میری و حکوومی دڤێت ئەتکێتان بەرچاڤ بگرین لێ د ڕێورەسمێن فەر و پێدڤی گەلەک و گەلەك یا گرنگە كوو چاندا کوردی بێتە بەرچاڤێ كردن بوو خەلکێ و بوو جیهانێ ب ب تایبەتی و ب شانازیڤە . هیڤیدارم کوو ئەڤ بابتەە جهێ ڕەخنێ گل و گازنجا نەبیت ژبەركوو کورد ب جلێن کوردی بەرکەتینە.
((ئەدیبا عزەدین -2024))
‌