موحسین مەندەلاوی، جێگرێ ئێكێ یێ سه‌رۆكێ جڤاتا نونه‌ران ل تویته‌كێدا ب توندى هێرشا دوهى ئێڤارى یا لسه‌ر فرۆكخانا ناڤده‌وله‌تى یا سلێمانیی شه‌رمزاركر.
ب بۆچوونا مه‌نده‌لاوى، هێرشا لسه‌ر فرۆكخانا ناڤده‌وله‌تى یا سلێمانیێ پێشێلكرنا مه‌ترسیدارا سه‌روه‌ریا ئاخا عیراقێیه و هه‌ره‌شه‌كا جدیه بۆ سه‌ر سلامه‌تیا وه‌لاتیێن پارێزگه‌هێ.
جێگرێ ئێكێ یێ سه‌رۆكێ جڤاتا نونه‌ران د په‌یاما خودا داخاز ژ لیژنه‌یێن ئه‌منى و به‌رگرى یێن په‌رله‌مانى دكه‌ت، لیژنه‌كا ڤه‌كۆلینان بۆ روودانێ پێكبینن و راپۆرته‌كا بله‌ز پێشكێشى سه‌رۆكاتیا په‌له‌مانى بكه‌ن، ژبۆ هندێ رێكارێن پێدڤى بۆ پاراستنا سه‌روه‌ریا ئاخا عیراق و وه‌لاتیان بگرنه‌به‌ر.
هه‌روه‌سا مه‌نده‌لاوى داخاز ژ لایه‌نێن سیاسى یێن عیراقێ و لیژنه‌یێن تایبه‌تمه‌ند كریه ، له‌زێ بكه‌ن پرۆژه یاسایا بۆدجه‌ى ب زویترین ده‌م ئه‌نجام بده‌ن، ژبه‌ركو گرێدایه ب ژین و ژیارا وه‌لاتیانڤه.
Comments are closed, but trackbacks and pingbacks are open.