زیاد عبدالکریم حیدر
ژانڕەیێن وێژەی، گەلەک گرنگییا خۆ ژ بۆ هەمی گەل و مللەتان هەیە. هەروەسا گرنگییەکا تایبەت ژبۆ پاراستنا کەلتوور و زمانێ دایکێ هەیە. ئەگەر ئەم بهێین تەماشەی گرنگییا ژانڕەیێن وێژەی یێن سەردەم بکەین وەکی (هەلبەستا ئازاد،
هەستە گۆتن، کن چیرۆك….هتد) یا دیار و ئاشکەرایە کو ڕۆلێ خۆ و هەبوونا خۆ ل ناڤ خواندەڤان و پەرتووکخانەیێن بادینی، هەروەسا ژبۆ وێژەیا کوردی جهێ خۆ کرییە ب دیتنا من ئەڤ جۆرە ژانڕەیێن وێژەیێن یێن سەردەم د نوکەدا هێدی هێدی بەرەڤ ئاستەکێ گەلەک باش و سەرکەفتنێڤە دچیت. خواندەڤانێن نوی، پتر ژ لایێ گەنجانڤە خۆ د ناڤا ئەڤی ژانڕەیێ وێژەییێ سەردەمدا دبینن و پتر دڤێن بەرەڤ ژانڕەیێ سەردەمڤە دچن کو د بەرامبەردا حەز ل سەر ژانڕەیێن وێژەی یێن کەڤن کێم بووینە، زێدەباری ئەڤێ چەندێ هێشتا ڕۆمان د ئاستێ خۆ یێ جاراندایە و بەردەوام بەرەڤ پێشڤە دچیت. بۆ نموونە ل سەر ئەڤێ چەندێ ڕۆمانا (شڤانێ کورمانجا) یا عەرەبی شەمو کو ئێکەم ڕۆمانە ب زمانێ کوردی، هەتا نوکە ژی ئەڤێ ڕۆمانێ خواندەڤایەکێ مەزن هەیە. ئەرێ ئەگەر ئەم بێژین دێ خواندەڤانێن کن چیرۆکان ژ خواندەڤانێن ڕۆمانێ پتر لێهێن و چ دبیت ئەگەرێ ئەڤێ چەندێ ژی تۆڕێن جڤاکینە. ژبەرکو حەزا خواندنا نڤیسینا کورتبڕی پتر ژ لایێ گەنجانڤە دهێتە خواندن. هەروەسا خانی یێ مەزن ئاماژە ب هندێ دایە کو ئەم نڤیسانەکا کورت بنڤیسین و ب واتەیەکا بلند، دیسان ڕەخنە ل نڤیسانا درێژ گرتییە. ل
دەمێ دبێژیت:
”ئەی خامە تەژی گەلەك درێژکر
ئەڤ نامە بەسە تە پڕ قڕێژکر”
هەروەسا گەلەک هوزانڤانێن دێرینێن کوردان ئاماژە ب ئەڤێ چەندێ دایە و ڕەخنە ل نڤیسینا وێژەییا درێژ گرتییە.
ئانکو ب دیتنا من پێدڤیە ئەم ئەڤان ژانڕەیێن مۆدێرن یێن وێژەی پیرۆز ببینین و ب ئێک دەست پالپشتییێ ل بەرەڤ پێشڤەبرنا ئەوان بکەین، ئەم پێکڤە بکەینە دەرگەهەك ژ بۆ خواندەڤان بەرەڤ خواندنێڤە بهێن چونکی باشترین ڕێکا سەردەمیانە ب سەردەمێ هەبوونا تۆڕێن جڤاکیدا.
Comments are closed, but trackbacks and pingbacks are open.