جارا ئێكێ يه ل سه‌ر ئاستێ هه‌رێما كوردستانێ ب گشتى و ب تايبه‌تى ل پارێزگه‌ها دهۆكێ پرۆژه‌يه‌ك مۆله‌ته‌كا جیاواز و گرنگ وه‌رگريت ئه‌و ژى پرۆژەیێ (په‌يمانگه‌ها ده‌ليڤه بۆ به‌رهه‌ڤكرنا هۆستا و كرێكاران).
ئه‌ڤ پرۆژه‌يه دێ ده‌ليڤێ ده‌ته ئه‌وان كرێكارێن دڤێن پيشه‌يا خۆ پێشبێخن وه‌ك (هۆستاێن كاشى, سيراميك , سيسته‌مێ دانانا تۆرا غازێ ,سيسته‌مێ دنانا تۆرێن ئاڤا گران و سڤك, سيته‌مێ ئاڤا گه‌رم و سار و چه‌ندين پيشه‌يێن دى)ل دووڤ ستاندارتێن جيهانى, ئه‌ڤ پرۆژه ژلايێ وه‌به‌رهێنه‌ران (شێخ موسى احمد ديوالى و محمد عمر حميد و اديب محمد عمر ) ب گوژمێ (1,337,526) مليونه‌ك و سێ سه‌د و سیهـ و حه‌فت هزار و پێنچ سه‌دو بيست و شه‌ش دۆلارن دێ ھێتە دروستکرن . ئه‌ڤ پروۆژه‌يه دێ هێته ئاڤاكرن ل سه‌ر روبه‌رێ (3160)م2
پرۆژه پێكهاتيه ژ (4) ئاڤاهيان بڤى شێوێ ل خوارێ دياركرى:
ئاڤاهيێ ئێكێ: ژ دو نهومان پێك دهێت نهوما عه‌ردى بۆ (5) جهێن كارى نهوما ئێكێ بۆ كافتريا.
ئاڤاهيێ دوێ: ژ دو نهومان پێك دهێت نهوما عه‌ردى بۆ (5) كوگه‌هان نهوما ئێكێ بۆ كارگێريا پرۆژه‌ى.
ئاڤاهيێ سێيێ: ژ دو نهومان پێك دهێت نهوما عه‌ردى بۆ (4) كوگه‌هان نهوما ئێكێ بۆ (3) هولێن فێركرنێ و خزمه‌تگوزاريێن گشتى)
ئاڤاهيێ چارێ: ژ دو نهومان پێك دهێت نهوما هه‌ر نهومه‌ك هاتيه ته‌خانكرن بۆ (6) هۆلێن فێركرنێ و خزمه‌ت گوزاريێن گشتى.
زێده‌بارى پارك و ده‌ڤه‌رێن ڤه‌كر و كه‌سكاتى و جهێن راوه‌ستاندنا ترۆمبێلان .
Comments are closed, but trackbacks and pingbacks are open.