▪  مەسرور بارزانی: مە شۆڕشا چاکسازییا چاندنێ ل هەرێما کوردستانێ دەست پێکریە

سەرۆکێ حکوومەتێ:” جهێ دلخوشییە کۆ هەر رۆژ ل باژێرەکێ کوردستانێ بەرێ بنیاتێ پرۆژەکێ گرنگ دهێتە دانان”

 سەرۆکێ حکوومەتا هەرێما کوردستانێ، بەرێ بنیاتێ بازارێ هەڤچەرخێ زەرزەواتی (عەلوە) ل ئاکرێ دانا.

ئەڤرۆ سێشەمبی 11/6/2024، مەسرور بارزانی، سەرۆکێ حکوومەتا هەرێما کوردستانێ، بەرێ بنیاتێ بازارێ هەڤچەرخێ زەرزەواتی (عەلوێ) ل ئاکرێ دانا، د گۆتارەکێدا راگەهاند:” بەری کۆ بهێمە ڤێرێ، من سەرەدانا هندەک جوتیاران کر ل زەڤیێن چاندنا پتاتا، دگەل وان ئاخفتم جهێ دڵخۆشییە کۆ بەرهەمێ پتاتێ رۆژ بۆ رۆژێ زێدەتر دبیت گەلەک زێدەتر ل پێتڤیێن نافخۆیی دهێتە بەرهەم ئینان، شێوازێ چاندنێ ژی بەر ب شێوازێن پێشکەفتی و زانستی دچیت.”

مەسرور بارزانی گوت ژی:” وان جووتیاران گازندە هەبوون، کۆ پتاتە ل هندەک سنوورێن هەرێما کوردستانێ داخل دبیت و کاریگەرییا نەرێنی دروست کریە، ئەم وەکو حکوومەت دێ دیفچوونێ کەین بۆ پشتەڤانیا جووتیاران و وەزیرا چاندنێ ژی ل ڤێرێیە و دێ دیفچوونێ کەت، رێکێ نادەین ئەو بەرهەم بهێنە ناڤ کوردستانێ.”

سەرۆکێ حکوومەتێ راگەهاند:”جووتیاران داخوازا چارەسەرکرنا بابەتێ ئاڤێ دکر، بۆ ڤێ مەبەستێ ژی بەنداڤێن دی دێ هێنە دروست کرن.”