بێوارحسێن زێباری
باژێر ڤانییا دینارتێ هەیا نها چو پارکێن راوەستاندنا ترۆمبێلان نینە و ژبلی هەبوونا ناڤا بازاری دا کو دبیتە خەبسە دگەل سزایێ شۆفێران ژلایێ هاتن و چوونێ ڤە دهین سزادان و خەلکێ دەڤەرێ دخازن رێیە چارەک بێتە کرن .
پێشوار ئەحــــمەد زێباری، ئێکە ژ ئاگنجیێن دەڤەرێ داخویاکرن ، باژێرڤانییا دینارتێ کۆ ژبلی رۆژێن جەژن و هەلکەفتان د رۆژێن ئاسایی ژی خەلک دەمێ چەند کێم ژی ترۆمبێلا خوە راوەستینیت ئێکسەر ژلایێ پۆلیسێن هاتن و چوونێ ڤە دهێنە سزادان و ئەڤە تنێ دەڤەرێ ب ڤی رەنگیە و گوتژی، رۆژێن نەتەوی و هەلکەفتان ژی چو پارکەک نینە بۆ راوەستاندنا ترۆمبێلان ل سەنتەرێ ناحیایێ و دبیتە خەبسە و جهـ نینە و خەلک بێزار دبیت .
ئیدریس زێباری، ژی ئێکە ژ کەساتیێن دەڤەرێ دا ئەشکرا کرن : راستە سەنتەرێ ناحیا پێدڤیێن زێدەترە و هەیا نها ژی وەک پێدڤی بوون نەهاتنە کرن لێ یا گرنگ ئەوە پتر خزمەتا سەنتەری باژێری بهێتە کرن و یا هەموویی گرنگتر ئەوە پارکەک بهێتە دروستکرن دا سیما و دیمەنەک دیتر بدەتە سەنتەرێ باژێری .
نەعمان سەلیمخان ،سەروکێ باژێرڤانیا دینارتێ بۆ مالپەرێ زێ بادینان گوت، وەک کارگیریا دینارتێ مە پلان دانابوو کو پارکەک بهێتە دروستکرن و هەتا رادەکێ ژی ئەڤ پلانە سەر گرت لێ پشتی بودجە هاتیە دانان ژلایی وەزارتێ ڤە کو پلانا وان پتر بو خزمەتگوزاریان بیت وەک ئاڤ رێژ و ئاڤاهی و رێک و پرا بوویە لەوما هاتیە گوهرین و پلانا مە سەرنەگرت.
گوتژی ، دپلانا مە ئەو بوو کۆ چەند پارچە ئەرد هەبوون هاتبوونە دەستنیشانکرن بۆ هندێ بکارین بۆ پارکێ و هەم ژی بۆ دوکان یان تشتەک دیتر لسەر ئاڤا بکەین تشتەک جوان ناڤا باژێری دروست بکەین و داهاتی ئاناهییا خودێ ئەڤ کارە هێتە ئەنجامدان ژی بۆ سەنتەرێ باژێری .
دیار کر ژی ، لێی وەکی مە دەستپیکێ گوتی ژلایێ وەزارەتێ رێ ب دروستکرنا پارکێ نەهاتییەدان کۆ ئەو میزانیە پتر بۆ خزمەتتێن دیتر بن لەوما ئەڤ پلانا مە دڤێت گوهرینەک دی بوبکەین و بەدیلی وێ وەرگرین ل گورەی کارو شیانێن خۆ ئەم ژی بۆ شوفێران هەم بۆ جوانیا باژێرێ تشتەک بکەین .
Comments are closed, but trackbacks and pingbacks are open.