ناجح بێجانی
دەما ئەم زاڕۆک دگۆتە مە , بخوینن و دا پاشە ڕۆژەک باشتر وە هەبت ، کورد دبێژن : هەر کەسەکێ نان ب رەحەتی خورای یا ب قەلەمی خواری ،لڤێڕێ ئەز بەحسێ هندێ ناکەم ئەگەر ئێک فەرمانبەرێ حکومەتێ بت، یان هەر پلەک هەبتن ، کا چەند یا گونجایە دگەل بابەتی ، ئەز دێ بەحسێ نڤێسکارا، یانژی تەخا نڤێسەرا ب گشتی کەم، ئەز دبینم و دبهیسم پرانیا وان ب هەمی جۆرێن خوەڤە ئەوین یێن ژ هەژارترین تەخ دناڤ جڤاکیدا ژ لایێ ئابۆری ڤە ، لێ مێشکێ وان یێ بەرهەمدارە دێ چ نڤیسین ، بۆ کێ نڤیسین ؟ ژبەر هندێ هزڕێ ل هندێ ناکینە ڤە چەوا دێ شێن دەبارا ژیانەکا خوەش کەن ، یا ژوێ گرنگتر چەوا گوهۆرینا دناڤ جڤاکیدا پەیداکەن ، ژ جڤاکەکێ گرتی بەرەف جڤاکەکێ ڤەکری و دگەل پێشکەفتنا ئەڤرۆ بەردەوامییێ ب ژیانێ بدەن و تشتێ باش بەرچاڤ بکن ودیاردەیێن خراب و شاش ئیشارەتێ پێ بدەن بۆ چارەسەرکرنێ ،لەوما دێ بینی هەردەم مێشکێ وان یێ ئالۆزە، زێدەباری کاودانێن وان، جاران ژی خوە ڤەدەردکن ژ جڤاکی پێخەمەت ئەو تشتێ د مێشکێ وان دا بنڤیسینێ دەربرینێ ژ هەستێ خوە بکن، بۆ هەمی تەخێن جڤاکی دنڤیسین و ئارمانجەکا روهن وئاشکرا هەیە بۆ باشترکرنێ ،خالەکا دیتر ئەوێن ب کارێ نڤیسینێ رادبن جلوبەرگ وکەشخەیێ وەکو تاکە کەس بۆ خوە ناکن پێڤەر بەلکو کەسایەتییا مرۆڤان ل دەڤ وان یاگرنگە ،گەلەک ژوان پشتی وەستیانەکا دوور و دڕێژ هەتا نەشێن پرتووکێن خوە بگەهین چاپێ ، هێشتا وەک دەست خەتین !مە یا گوهـ لێ بووی پشتی دژیانێ دا نەمان ،ئەڤجا پرتووکێن وان بەرەف چاپێ دبن کەسێن دلسۆز خوە ل بەرهەمێن وان دکن خودان ،لێ بمخابنیڤە پشتێ مرنێ ، ڤێجا ئەم ب بەژن وبالا وان دبێژن ودنڤیسین و پسیار ئەڤەیە چەند قەلەم بوویە هاریکار بۆ خوشگۆەزاریا ئەڤێ تەخا رەوشنبیرۆ زانا؟
Comments are closed, but trackbacks and pingbacks are open.