حکومەتا هەرێما کوردستانێ دیسان رەخنە ل بریارا دادگەها فیدرالی یا هەلوەشاندنا هنارتنا مووچەیێ فەرمانبەرێن هەرێمێ گرتن و شاندەکێ حکومەتێ دێ چیتە بەغدا.
جۆتیار عادل، پەیڤدارێ حکومەتا هەرێما کوردستانێ ئەڤرۆ د کۆنگرەکێ رۆژنامەڤانی دا گۆت: حکومەتا هەرێمێ پێشتر رێککەفتن ل گەل کابینەیا موستەفا کازمی کریە کو هەیڤانە 320 ملیار دیناران ب هنێرن، لێ ئەو کابینە پابەندی رێککەفتنێ نەبوو و حکومەتا نوی یا محەمەد سوودانی ژی ئەو رێککەفتنە بجنەئینا کو مافێ هەرێمێ یە.
هەروەسا گۆت: ل ڤان نێزیکان دێ شاندەکێ حکومەتا هەرێما کوردستانێ چیتە بەغدا و دیتنا خۆ دەربارەی قانوونا نەفت و غازێ هەیە و دێ گەهینە ئالیێن سیاسی یێن بەغدا ب مەرەما دەرئێخستنا قانوونەکا نوی.
په‌یڤدارێ حكومه‌تا هه‌رێما ئاشكراكر و راگه‌هاند، بۆ هه‌ر هاریكاریه‌كێ بۆ توركیا و باكۆرێ كوردستانێ و رۆژئاڤا كوردستانێ ئه‌و به‌رهه‌ڤن.
په‌یڤدارێ حكومه‌تا هه‌رێما كوردستانێ، جۆتیار عادل راگه‌هاند، 25 ئه‌نبلانس بۆ توركیا و باكۆرێ كوردستانێ هاتینه ره‌وانه‌كرن و 30 نۆشدار و زێده‌تر ژ 80 كارمه‌ندێن ساخله‌میێ ل گه‌ل تیمێ حكومه‌تا هه‌رێما كوردستانێ نه.
هه‌روه‌سا ئاشكراكرن چار بارهه‌لگرێن ده‌رمانان بۆ توركیا و باكۆرێ كرودستانێ هاتینه ره‌وانه‌كرن و هه‌وا كۆمكرنا هاریكاریان ژى ب بڕیارا حكومه‌تا هه‌رێما كوردستانی بوویه و فه‌رمانگه‌ها میدیا و زانیارى سه‌رپه‌رشتیا كارى دكه‌ت.
Comments are closed, but trackbacks and pingbacks are open.