نڤیسەر :هەلات حەسەن مزوری
ئێک ژ مازنترین ئێشێن جڤاکێ مە بەرەنگاربۆنا کارو کردارێن فەوزەوینە(گێلەشۆکن) چ ل عێراقێ بیت یان هەر دەولەتەکا (بهارا عەرەبی) تێدا ڕوی دابت و کەتنە د هێزا ئۆلی و مەزهەبی یا توندڕەو وچۆن بۆ عەشیرەتێ ل دەمێ کەفتنا دەولەتا یاسایێ و هاوڵاتی بونێ وئێشا ترسناکتر د چەنداتی یا هەلبژارتنا شێواز و سروشتێ هەلبژارتنا سیستەمێ سیاسی یە ئەوێ گۆنجای دگەل سیستەمێ جڤاکی وکۆم کرنا عادات وتەقالیدێن لاواز وشێوازێن دویر وجیاواز ژ پەروەردەو زانینێ ومەنهەجێن ئۆلی ومێژوویی ئەوێن هاتینە دانان بۆ تێگەهێن نەگۆنجای دگەل داخوازیێن چەرخێ نوی وپێتڤی یێن مرۆڤێن هەڤچەرخ.ودڤێت ئاماژە بدەین کۆ شکەستنا تێگەهێ هاوڵاتی بونێ دیاردبیت د دوان دەولەتا ئەوێن جۆڕاوجۆڕ ژ نفشی ونەتەوەیی وئۆلی ودزڤڕیت بتایبەت بۆ سروشتێ عەشیرەتگێریێ دڤان جڤاکا دا ود شکەستنا سیستەمێ سیاسی د جوداکرنا ئۆلی ژ سیاسەتێ وب هەمی حوکمی ڤە ودیرکرنا فەلسەفاخۆ ژ زانست وزانینێ . وئەگەر نوخبا سیاسی وتەکنوقراطی سەرنەکەفت د دانانا دستورەکێ هەڤچەرخ کۆ تێدا پێناسا مەدەنیەتێ بۆ هاوڵاتی بونێ وزمانێ یاسایی و ئنتیمائا نیشتیمانی لسەر سیستەمێ هۆزی وئۆڵی بلند ببیت ئەو سیستەمێ سیاسی دێ لاواز بیت وسەرناکەڤت ، چونکی دستورێن هەڤچەرخ دڤێت سیستەمێن سیاسی لسەر بنیاتێ مەزهەبی وتۆندڕەوی و ئۆلی بلۆک بکەت ئەوێن نەشێن مافێن یەکسان دابین بکەت بۆ هەمی تەخ وچینا د وەڵاتی دا وچ حزب یان گڕۆپەکێ حزبا نەشێن سیستەمەکێ دیموکراتی پڕی عەدالەت دابین بکەن بۆ هاوڵاتی دهەمی بوارێن ژیانێ دا.
Comments are closed, but trackbacks and pingbacks are open.