سەردار هێتوتی
ماستەر ب ئابۆرێ
هنارتنا نەفتا خاڤ یا کوردستانێ 25ێ ئادارا ئەڤ ساڵە ژ لایێ حکومەتا فیدرالڤە هاتیە راگرتن، ب ڤێ بریارێ کۆمپانیێن کو د بلۆکێت نەفتا کوردستانێ دا کار دکەن نەچاربوون دەرەئینانا نەفتێ راگرن. دگەل بریارا راگرتنا نەفتێ،د نوکە دا 450 هزار بەرمیلێن نەفتێ کو ل هەرێما کوردستانێ دهاتنە بەرهەمئینان، نەشێن بهێنە هنارتن بۆ دەرڤەی عیراقێ ب رێکا بەندەرێ جەیهانێ تورکی.
نوکە عیراقێ تنێ ب رێکا ترمیناڵێ خۆ ل باشوورێ وەڵاتی نەفتێ رەوانەی دەرڤە دکەت، ئەڤە د دەمەکی دایە کو عیراق پشتی وەڵاتێ سعودیێ ل رێزا دوویێ یا بەرهەمئینانا نەفتێ دهیت د ئۆپێک دا.
هێشتا تورکیا ڕێک نەدایە رەوانەکرنا نەفتا کوردستانێ و لگورەی وان زانیاریێن کو ئاژانسا جیهانی بەڵاڤکری، د دەمێ ڤا سێ هەیڤان دا حکومەتا هەرێمێ دوو ملیار و پێنج سەد ملیون دولار ژ داهاتێ خۆ یێ نەفتی ژ دەست دایە.
زێدەترین ئاستەنگ ل هەمبەر هنارتنا نەفتا کوردستانێ، ئاستەنگێن سیاسینە نەک یێن تەکنیکی و ب ڤێ ئەگەرێ 7000 کەس بێکار ماینە دگەل 2000 کومپانیێن خزمەتگۆزاریێن بیاڤێ نەفتێ.
زیانێن تورکیا ژ بەر ڕاگرتنا نەفتا هەرێما کوردستانێ د ڤان سێ هەیڤان دا لگورەی داتایێن رووداو بەڵاڤکری 135 ملیون دولارێنئەمریکینە، دگەل دالقاندنا زێدەتر ژ 20ملیار دولاران د ڤی بیاڤی دا.
Comments are closed, but trackbacks and pingbacks are open.