▪  (نەفت دۆزەیا بەردەوام دناڤبەرا حکومەتا هەرێم وبەغدا کی زەرەمەندە)؟؟؟

ژلایێ نڤیسەر (هلات حسن مزوری) :

خوسارەتیێن عێراقێ یێن ڕۆژانە ژ ڕاوەستاندنا هنارتنا نەفتا کوردستانێ 33 ملیون دولارن وملیارات دولار هەیڤانەنە کۆ عێراقێ ڕۆژانە 400هزار بەڕمیل ژ یاکوردستانێ دهنارتن زێدەباری 80هزار بەڕمیلێن نەفتێ ژ هاوردەیێن کەرکوکێ ئەوێن ڕاوستیاین کو عێراق خوسارەت بویە ب 2،3 ملیار دولار. وزەرەمەندێ مازن ژ ڕاوستیانا هنارتنا نەفتێ ئابوریێ عێراقێ یە کۆ بوودجەیا گشتی یا عاجزبوی بەرەڤ 5 ملیار دولارێن ئەمریکی ب ڕەئیامن زەرەر تووشی بەغدا وهەولێر بوینە ل سەر ئاستێ سیاسی و ئابوری پشتی ڕاوستاندنا هنارتنا نەفتا هەرێمێ وژبەر هندێ ڕێکەفتن د گرنگن دناڤبەرا هەردوو لایەنا یا گرێدای نەفت وغازان وهندەک دۆزیەیێن دی و لدیڤ دستوری داکۆ نەفت بکەفتە د دەستێن شەفافیەت ل دەڤ ل پاشەڕۆژێ د بەرهەم ئینانێ و هنارتنێ و فرۆتنێ وژبەرهندێ حکومەتا عێراقێ وهەرێمێ ڕێککەفتنەمەک ئیمزاکربو ل 4/نیسانێ ل سەر هنارتنا 400 هزار بەڕمیلا ل کۆمپانیا نەفتا(سۆمۆ)یا نیشتیمانی کۆ نوینەر ژ هەرێمێ ب پۆستێ نوینەرێ سەروکێ کۆمپانیێ وڤەکرنا هژمێریارەکا بانکی ب تایبەت ب حکۆمەتا هەرێمێ کۆ هاوردەیێن فروتنا نەفتێ بکەڤت ل بن تایێ( چاڤدێری یا دیوانا دارایی یا فیدڕاڵی) گەلک ماینە ل هیڤی یا ڤێ ڕێککەفتنێ کۆ ببت چارەسەری یەکا ڕەهانە بۆ ئێکلایی کرنا ناکۆکیێن نەفتا هەلاویستی دناڤبەرا هەردوو لایەنا دا ب دەرکەفتنا یاسایا نەفت وغازان لێ تانها هنارتنا نەفتا هەرێمێ دەست پێنەکردیە ئەڤ کارە نە یێ گرێدای خوسارەتێن مادی نە بەلکۆ سەلماندنا بهایێ یاسایی یێ حکۆمەتا فیدڕاڵ کۆ کۆنتڕۆڵی ل سەر نەفتا هەرێمێ بکەت وڕێزێ ل ڕێککەفتنامێن نیڤ دەولەتی یێن تایبەت ب نەفتێ دناڤبەرا عێراق وتورکیا بهێتە کرن کۆ پشتی دەرکەتنا بڕیارا تەحکیمی یانیڤ دەولەتی ل دادگەها پاریس ل مارسا ساڵا 2023 دناڤبەرا ژ ژورا بازرگانی د سکاڵەیا دناڤبەرا عێراق دژی تورکیا ژبەر سەرپێچی یاوان د ئەحکامێن ڕێککەفتنا هێلا بوریێن عێراقی -تورکی یا ئیمزاکری ل ساڵا 1973 ئەوا دەق کری: کۆ حکومەتا تورکی پێگرە ب ڕێنمایێێن لایەنێ عێراقی ئەوا گرێدای ب جولانا نەفتا سادە یا هنارتی ژ عێراقێ بۆ هەمی سەنتەرێن خەزنکرنێ و سەرف کرنێ وبارەگایێن دویماهیێ ئەڤێ سکالایێ ل سەر بازاڕێ جیهانی ڕەنگڤەدانەک ئینا کۆ بهایێن وێ زۆڕ بلندبوو پشتی ڕاگرتنا هنارتنا نەفتا هەرێمێ 445هزار بەڕمیل ژتورکیا بۆ جیهانێ وپێشبینی دهێنە کرن کۆئەگەر ئەڤ ناکۆکی یە بلەز چارەسەر نەبو دێ گەلک زەرەمەندی یێن مازن بۆ کەرتێ نەفتێ یێ عێراقی پەیدابن کۆ هنارتنا نەفتێ دگەهتە ملیون بەڕمیل ڕۆژانە دبیت نەفتا کوردی نە ڕێژەکا مازن بیت لێ پا کارتێکرنەکا دیار هەبوو ل سەر بازاڕێن نەفتا جیهانی کۆ بەرهەم ئینانەکا گرنگ بۆ د ئێنێرجی یا ئەوروپی کۆ خوسارەتا هەرێمێ نزیکی 7ملیار دولارانە وزەرەمەندی یا نەفتا کوردی ل بازاڕێت جیهانی دەستپێکرد تایبەت د ماوێ شەڕێ ڕوسیا و ئۆکرانیا وناکۆکی وشەڕێ فەلەستین و ئیسرائیل ئەڤ فاکتەرێن جیوسیاسی بونە ئەگەرێ بلندبونا بهایێ نەفتێ ب شێوەکێ مازن کۆ دڤێت نزیکترین دەم ناکۆکی دناڤبەرا هەرێم وبەغدا چارەسەربیت ، بەرهەمێ نەفتێ د بوریێن هەرێمێ تووشی شکەستنەکا مازن بوو ژبەر کۆمپانیێن نەفتێن جیهانی کۆ کارێ خۆ ڕاگرتن د وەبەرهێنانێ دا ژئەگەرێ ڕاگرتنا هێلا بوری یان لێ پا حکومەتا هەرێما کوردستانێ هێدی هێدی بەرهەم ئینانا نەفتێ بلند کر بەرەڤ 200 هزار بەڕمیل ڕۆژانە دگەل دەستنیشانکردنا ڤێ چەندێ د مەزاخستنا ناڤخۆیی وسەرەڕای کۆ بەغدا وهەرێم بەرەڤ گەلک چارەسەری یا چوون لێ پا خالا هەرە سەرەکی مایە هەلاویستی بەرپرسیارێن دارایی نە .