سالار محمد فتاح
وەک یا خویا و دیار کورد مللەتەکێ چیای، و بەردەوام دناڤا شکەڤت و گەلی و سەر چیایان بوو شورەش و سەرهلدان کرینە. پێشیا ٣٢ سالان ژ هوکارێ ڕازینەبوون ل سەر وێ زولم و زورداریا ژ پال دەستهەلاتا عەرەبنیزما عیراقێ دا ل هەمبەر گەلێ کورد د هاتیە کرن کورد نە ڕازیبوون و ب ملیونان مرۆڤ توشی کوچکرنێ بوون. ئەگەر بهێن و لێنێریەنکێ ل پێش وی ماوەی کوردان بکەین، مللەتێ کورد گەلەک شەر و بزاڤێن شورەشگێری دکرن ژ بۆ ژناڤبرنا وێ زولم و زورداریێ میناکا وان شورەشان، هەردوو شورەشێن ئیلول و گولان، و هەروەسان شورەشێن پێش سالا ١٩٦١، و د هەمی دەم و ساتاندا کورد وەک ئالاڤێ ئارامبوونا کەسێن دکتاتور دهاتە هژمارتن، میناکا ئەژدەهایان خوینا کوردان د ڕێژتن، و د هەمی چەرخ و دەم و دەورانان دا د گوتن کورد دڤێت بهێنە قرقرکرن، و میکانیزمێن تیرورا جەستەی، تیرورا فکری، جینوسایدکرنا ب کومەل، جینوسایدا ڕەگەزی، ل هەمبەر مللەتێ کورد د هاتە ب کارئینان ژ بۆ ژناڤبرن و نەهێلانا کەلتور و زمانێ کوردی.
کورد و ئازار میناکا ڕۆح و لەشی لێ هاتیە، ب دەستێ وان ئەژدەهایان یێن خۆ ب خوداوەندێن مرۆڤایەتیێ دبینن…
ئەگەر بهێن و چاڤنێرینێ ل دەستهەلاتا عەرەبنیزما عیراقێ دا بکەین، پشتی دەستهەلاتا ل عیراقێ وەرگرتی هەر زووی دەست ب کوشتن و لێدانا گەلێ کورد کریە، هەر بگرە ژ زیندانکرن، ئەنفالکرن، و تا دگەهیتە قنارەکرن و زیندەچالکرنێ. سەد و هەشتێ و دوو هزار کەسێن بێ تاوان ژ مللەتێ کورد ل (بالیسان بادینان…هتد) هاتینە کوشتن و ب زیندی هاتینە بن ئاخکرن ل بیابانێن باشورێ عیراقێ.
و ل سالا ١٩٨٨ ل ڕۆژهەلاتا باشورێ کوردستانێ ب تایبەت دەڤەرا هەلبجە ب جەکێ کیمیاوی و جینوسایدا ب کومەل پينج هزار کەس هاتنە کوشتن ل ١٦ مەها ئادارێ دا، ب بهانەیا هەبوونا لەشکەرێ ئیرانێ ل وێ دەڤەرێ. و تا نوکە ژی گەلەک شینوارێن ئەڤان تاوانان د لوژیکی دا د بەرچاڤ و دیارن.
ئەگەر بەحس ل کارتێکرنێن ڤان تاوانێن نە مرۆڤی بکەین یێن پێش سەرهلدانا گەلێ کورد ل ١٩٩١ هاتینە ئەنجامدان ژ پاڵ دەستهەلاتا عەرەبنیزم ڤە دێ بینن کو ل دەڤ کوردان هیچ تشتەک یا گرنگ نەبوویە، تنێ تشتێ گرنگ ل دەڤ وانا ڕزگاربوون بوو ژ دەستهەلاتەکا ب ڤی شێوەی، نەبوونا خوارنێ، هەبوونا جەوەکێ هشکە زڤستانی و بەفراوی، هەبونا سەدەهان ئاستەنگ و بەرتەنگیاندا کورد د هەولا ڕزگاربوونێ دا بوون و کوچکرنێ ژ بن دەستێ ئەڤێ دەستهەلاتێ دا، ژ بەر وێ یەکێ ل ٥- ئادارا ١٩٩١ و پشتی دەستپێکرنا سەرهلدانا و دووبارە زڤرینا دەستهەلاتا عیراقێ ل ٢٧ ئادارێ تا ٣١ ئادارێ، مللەتێ کورد ڕازی نەبوون ل سەر وێ یەکێ کو دووبارە دەستهەلاتەکا عەرەبنیزم ب تعریب کرن، و زولم و زوریێ دەستهەلاتێ ل وانا بکەت، ژ بەر وێ چەندێ هەر زووی بەرەڤ سنورێن باشورێ کوردستانی ڤە کوچکرن و باژێر هاتنە خالیکرن، و ڕازی نەبوون ب زولم و زوریێ… و ل ١٩ گولانا سالا ١٩٩٢ ب فەرمی پەرلەمان و حکومەتا هەرێما کوردستان و قەوارەیا سیاسی یا هەرێما کوردستانێ هاتە ڕاگەهاندن، و ژ سالا ١٩٩٢ وەرە، کوردستان ل ژێر زولم و ستەمێ دا گەهشتیە ئاستێ پێشبرگیکرنێ دگەل وەلاتێن پێشکەڤتی ب تایبەت ژ لایێ گەشتیاری ڤە، و ژ لایێ ئابوری ڤە تا سالا ٢٠١٢ د گەشە و وەرارەکا زێدە دابوو.
و نها پشتی بورینا ٣٢ سالێن دەستهەلاتا کوردی دووبارە ئەو دەستهەلاتا زوردار هەولدەت ب شێواندنا ڕاستیان و ب ڕێکا پەیوەندیێن خۆ یين سیاسی و ستراتیجی دگەل وەلاتێن جیهانێ دووبارە کوردا ب ئێخیتە ژێر دەستهەلاتا خۆ دا و دووبارە هەژموونا کوردان لاواز بکەت و ژناڤ ببەت. ب تایبەت ب ڕێکا ڕاوەستاندنا فرۆتنا پەترولا هەرێما کوردستانێ، و تێکدانا پەیوەندیێن وێ یێن سیاسی.
Comments are closed, but trackbacks and pingbacks are open.