ئاوارە نێروەیی
(
هەلچوون زانینا هەست و سوزێن مە دگەهینیتە کەسانێن دی و برێکا هەلچوونان ژی ئەم دشێن بەرگریێ ژ خۆ بکەین و خۆ ژ مەترسیان ب پارێزین بو نموونە دەمێ ئەم توشی بارودۆخەکێ مەترسیداردبین هەلچوونێن مە ب لەز بریارێ د دەن ئایا بەرگریێ بکەین یان بهێلین و برەڤین.
سەرباری ئەڤێ چەندێ هەلچوون حالەتەکێ مرۆڤایەتی یە ژ کەڤن دا مرۆڤ دگەل دژیت لێ ناسکرن و شرۆڤەکرنا هەلچوونان کارەکێ ب ساناهی نینە دگەل ئەڤێ چەندێ ژی گەلەك زانایێن دەروونی بزاڤکرن پێناسەکێ بدەنێ ئەوژی زڤرینا ئەوان بارودۆخانە ئەوێن دگەل هەلچوونان روی د دەن. هەلچوون ب شێوەیەکێ گشتی حالەتەکێ وژدانێ یێ بهێزە کو دبیتە ئەگەرێ تێکچوونا دەروونی و فسیولۆژی و هندەك دەربڕین و لڤینێن جێواز هەلچوون بەرسڤدانەکا دوو جەمسەری یە واتە یان دێ پۆزەتیڤ یان نێگەتیڤ بیت بۆ ئەوی بابەتی ئەوێ ئەم (ادراکێ)پێ دکەین یان ژی ئەم دشێن بێژین هەلچوون حالەتەکێ دەروونی و جەستەیی یێ بهێز و بلەزە مرۆڤ ب شێوەیەکێ دەملدەست توش دبیتێ ژ ئەنجامێ ئەڤێ چەندێ مرۆڤ توشی تێکچوونێن دەروونی دبیت.
لایەنێن هەلچوونێ: ئەگەر مە بڤێت هەلچوونەکێ شرۆڤە بکەین وەکو هەلچوونا (ترسێ یان تۆرەبوونێ)دێ بینین کو ئەڤ هەلچوونە ژ سێ لایەنان پێك دهێت ئەوژی:
١لایەنێ هەستێ خویەتی:ئەڤ لایەنە یێ تایبەتە ب وی کەسی ئەوێ توشی هەلچوونێ دبیت واتە ئەو ب خۆ دێ دەربارەی هەلچوونا خۆ ئاخڤیت و بەحسێ ئەوان گوهورانکاریێن فسیولۆژی کەت ئەوێن ل دەڤ وی پەیدادبن ئەم دێ شێن برێکا دەربڕینا ئەڤی کەسی ڤەکولینێ ل سەر ئەڤێ هەلچوونێ کەین. ٢لایەنێ دەرەکی: ئەڤ لایەنە سەرجەم ئەوان دەربڕین و لڤین و گوتن و گوهورانکاریێن دەرەکی ب خۆڤە دگریت کو د روخسارێ دەرەکیێ مرۆڤی دا پەیدادبن ب ئەڤێ رێکێ ئەم دێ شێن هەست ب هەلچوونا ئەوی کەین و زانین ئایا ئەڤ مرۆڤە یێ تۆرەیە یان یێ دلخۆشە.
٣_لایەنێ فسیولۆژی:گوهورانکاریێن فسیولۆژی پێکهاتینە ژ زێدەبوونا لێدانێن دلی و بلندبوونا کردارا هەناسەدانێ زێدەبوونا رێژا شەکرێ دناڤا خوینێ دا سوربوونا ڕویێ مرۆڤی و کێمبوونا کردارا هەرسکرنێ و هشکبوونا دەڤێ مرۆڤی ئەڤ هەمی گوهورانکاریە ب هەلچوونێن مرۆڤی ڤە گرێداینە.
Comments are closed, but trackbacks and pingbacks are open.