وه‌زاره‌تا كاره‌بێ : پله‌یێن گه‌رمێ بلندبووینه و رۆژانه 16 ده‌مژمێران كاره‌با نیشتیمانى دده‌ین
وه‌زاره‌تا كاره‌بێ یا حكومه‌تا هه‌رێما كوردستانێ دیاركر، سه‌ربارى بلندبوونا پله‌یێن گه‌رمێ، چ جهێن هه‌رێما كوردستانێ رۆژانه ژ 16 ده‌مژمێران كێمتر كاره‌با نیشتیمانى نینه، ل 20 بۆ 30 پرۆژه‌یێن ئاكنجیبوونێ مولیده هاتینه راكرن و كاره‌با 24 ده‌مژمێرى ب خه‌لكى دهێته دان و بۆ هه‌ر كیلۆواته‌كى 156 دینار ژ وه‌لاتییان دهێنه وه‌رگرتن.
ل دووڤ ئاخڤتنێن ئومێد ئه‌حمه‌د په‌یڤدارێ وه‌زاره‌تا كاره‌با هه‌رێما كوردستانێ ، شیانێن هه‌رێما كوردستانێ بۆ به‌رهه‌مئینانا كاره‌بێ ژ سێ هزار و 800 مێگاواتان ده‌ستپێدكه‌ت و هنده‌ك جاران ژ چار هزار مێگاواتان دبووریت، د ده‌مه‌كیدا خواست ل سه‌ر كاره‌بێ پێنج هزار مێگاوات ده‌ربازكرینه.
ئومێد ئه‌حمه‌دى گوت : ده‌مێ پله‌یێن گه‌رمێ بلند دبن، خواست ل سه‌ر كاره‌بێ زێده‌تر لێ دهێت و شیانێن یه‌كه‌یێن به‌رهه‌مئینانا كاره‌بێ ژى كێم دبن، گوت ژى : نوكه وه‌رزێ گه‌رمێیه، هه‌بوونا كاره‌با نیشتیمانى ل تماما هه‌رێما كوردستانێ ژ 16 ده‌مژمێران كێمتر نینه.
Comments are closed, but trackbacks and pingbacks are open.