وه‌زاره‌تا ناڤخۆ یا حكومه‌تا هه‌رێما كوردستانێ د رێنمایێن نوودا راگه‌هاند، كۆمپانییێن ( هاورده‌كرن، ڤه‌گۆهاستن و فرۆتنا ترۆمبێلان ) و پێشانگه‌هێن فرۆتنا ترۆمبێلان دشێن داخوازا هه‌لوه‌شاندنا موله‌تا كاركرنێ و كودێ هه‌ڤبه‌ستا ئه‌لكترۆنى بكه‌ن ب پێشكێشكرنا داخوازه‌كێ بۆ وه‌زاره‌تا ناڤخۆ/ رێڤه‌به‌رییا گشتییا دیوانێ / رێڤه‌به‌رییا كۆمپانییێن ئێمناهییێ.
وه‌زاره‌تا ناڤخۆ یا حكومه‌تا هه‌رێما كوردستانێ د راگه‌هاندنه‌كێدا رێنمایێن ژماره ( 5 ) یا سالا 2023ێ و هه‌موارا سێیێ یا رێنمایێن ژماره ( 3 )ێ یا سالا 2021ێ به‌لاڤكر و راگه‌هاند، كۆمپانى یان پێشانگه‌هـ دشێت ب كودێن جۆدا ل هه‌مان پارێزگه‌هـ لقان ڤه‌كه‌ت، بۆ ڤێ مه‌ره‌مێ ژى رسووماتێن وێ چالاكییێ دێ ژێ هێنه وه‌رگرتن.
دراگه‌هاندنێدا هاتییه، پێدڤییه هه‌موو كۆمپانى و پێشانگه‌هـ ل ده‌مێ فرۆتنا ترۆمبێلان هه‌ڤبه‌ستا ستاندارد یا فرۆتنا ترۆمبێلێ كو دێ ژلایێ وه‌زاره‌تا ناڤخۆڤه هێته رێكخستن ب زمانێ كوردى و عه‌ره‌بى بۆ ترۆمبێلێن كاتى یان تۆماركرى بكاربینن، ب وى مه‌رجى هه‌ڤبه‌ست دناڤ باره‌گایێ كۆمپانى و پێشانگه‌هاندا ب ئاماده‌بوونا كریار و فرۆشیارى بهێته گرێدان، به‌رۆڤاژى ڤێ چه‌ندێ دێ ب سه‌رپێچى هێته هژمارتن.
هه‌روه‌سا پێدڤییه كۆمپانى یان پێشانگه‌هێن فرۆتنا ترۆمبێلان ژۆره‌كا تایبه‌ت بۆ بجهئینانا ( هه‌ڤبه‌ستا ستاندارتا فرۆتنا ترۆمبێلێ ) و ئه‌رشیفێ ترۆمبێلا فرۆتى ئاماده بكه‌ت، كو تێدا بۆ هه‌ر ترۆمبێله‌كێ فایله‌ك بهێته دروستكرن و ڤان به‌لگه‌نامه‌یان بخۆڤه دگریت: 1 – وێنه‌یه‌ك ژ گرێبه‌ستا ستاندارتا فرۆتنێ، 2 – وێنه‌یه‌كێ ره‌نگا و ره‌نگ یێ مه‌نه‌فێست و هه‌موو به‌لگه‌نامه‌یێن ترۆمبێلا بۆ جارا ئێكێ هاتیه فرۆتن یان ترۆمبێلا پێشتر ژلایێ كۆمپانییێڤه هاتییه تۆماركرن و فرۆتن
Comments are closed, but trackbacks and pingbacks are open.