ل دویڤ پێشبینیێن وه‌زاره‌تا پلاندانانا عیراقێ، رێژه‌یا هه‌ژارییێ ل عیراقێ كێمبوویه، كو 22%ێ یا ئاكنجییان پێكدئینیت و رێژه‌یا بێكارییێ ژى گه‌هشتییه 16%ێ و بزاڤێن بده‌ستخستنا ئامارێن نوی د هێنە کرن.
عه‌بدلزه‌هره هینداوى په‌یڤدارێ وه‌زاره‌تا پلاندانانێ راگه‌هاند، دێ ل ڤان نێزیكان دویڤچوونێن وان یێن ئابوورى و جڤاكى و خێزانى ده‌ستپێكه‌ن، ل دویڤ پێشبینییێن وان رێژه‌یا هه‌ژارییێ كێمبوویه، ل سالێن 2007 و 2009 رێژه 7%ێ بوو، ل سالا 2014 ببوو 6%ێ و ل سالێن 2017 و 2018 بۆ 5%ێ كێمبوو، پێشبینییێن وان ئاماژێ ب هندێ دده‌ن كو رێژه‌یا هه‌ژارییێ ل ڤان سالێن دووماهییێ گه‌له‌ك كێمبوویه.
حكۆمه‌تێ پلانا پێشڤه‌برنا وه‌لاتى دانایه، ژ وان ژى پشته‌ڤانیكرنا چینا كێمده‌رامه‌تان، له‌وما د پرۆژه یاسایا بودجه‌یا سێ سالیدا 650 ملیار دینار بۆ مووچه‌یێ چاڤدێرییا جڤاكى هاتینه ته‌رخانكرن، ژماره‌یا ئه‌وێن مووچه‌یێ چاڤدێرییا جڤاكى ژێ دگریت دێ زێده‌بیت و 150 ملیار دینار ژى بۆ ئه‌وى بابه‌تى هاتینه زێده‌كرن.
Comments are closed, but trackbacks and pingbacks are open.