په‌یڤدارێ وه‌زاره‌تا چاندنێ و ژێده‌رێن ئاڤێ ل حكومه‌تا هه‌رێما كوردستانێ ئاشكراكر، ب مه‌ره‌ما گه‌شه‌كرنا كه‌رتێ چاندنێ و زێده‌كرنا به‌رهه‌مێ ناڤخۆ، زێده‌تر ژ 30 رێككه‌ڤتن و هه‌ڤبه‌ستان دگه‌ل كۆمپانییێن بیانى و ناڤخۆ هاتینه ئیمزاكرن.
هیوا عه‌لى په‌یڤدارێ وه‌زاره‌تا چاندنێ و ژێده‌رێن ئاڤێ دیاركر، پشتبه‌ستن ب بریارا حكومه‌تا هه‌رێما كوردستانێ كو پشته‌ڤانییا كه‌رتێ چاندنێ و به‌رهه‌مێ ناڤخۆ دكه‌ت، 31 رێككه‌ڤتن و هه‌ڤبه‌ست دبوارێ گه‌شه‌كرنا به‌رهه‌مێ چاندن و ئاژه‌لدارى و ماسى و ئاڤدێرى و بوارێن دییێن چاندنێدا دگه‌ل كۆمپانییێن بیانى و ناڤخۆ و وه‌لاتێن وه‌كو چین، ئه‌مریكا و وه‌لاتێن عه‌ره‌بى و گه‌له‌ك وه‌لات و كۆمپانییێن دى هاتینه ئیمزاكرن.
گوت ژى : ناڤه‌رۆكا گه‌له‌ك ژ وان رێككه‌ڤتنان كه‌ڤتییه دبوارێ بجهئینانێدا و ئه‌نجامێن باش ژێ ده‌ركه‌ڤتینه، ژ ئه‌گه‌رێ وان رێككه‌ڤتنان، ره‌وشا چاندنێ دێ به‌ره‌ڤ پێش چیت.
Comments are closed, but trackbacks and pingbacks are open.