رێكخراوا ریچ یا ناڤده‌وله‌تى راگه‌هاند، ئاوارێن عیراقى د ره‌وشه‌كا خراپدا دژین و رێگریێ ل ڤه‌گه‌راندنا وان دهێته‌كرن. ژبه‌ركو تانوكه پێدڤیێن ژخزمه‌تگوزاریێن تایبه‌ت ب ڤه‌گه‌راندنا وان نه‌هاتینه دابین كرن، زێده‌باری كو پرانیا وان ده‌ڤه‌ران دره‌وشه‌كا ئه‌منی یا نه سه‌قامیر دانه.
ژلاییێ خۆڤه ئیڤان فایه‌ق وه‌زیرا كۆچ و كۆچبه‌رێن عیراقێ راگه‌هاندیه، حكومه‌تا به‌غدا د چارچوڤێ دانانا پلانێن خۆ بۆ سالا نویدا بریار دایه كه‌مپێن تایبه‌ت ب ئاوارانڤه د شه‌ش مه‌هاند بهێنه دایێخستن و ئاواره ڤه‌گه‌رنه سه‌ر مال و حالێن خۆ.
ئیڤان فایه‌ق دیار ژى كر، تنێ كارێ وه‌زاره‌تا كوچ و كۆچبه‌ران نینه، به‌لكو پێدڤیه هه‌موو وه‌زاره‌تێن په‌یوه‌ندیدار مه‌رجێن گونجاو بۆ ڤه‌گه‌راندنا ئاواره‌یان دابینبكه‌ن.
رێكخراوا ریچ یا ناڤده‌وله‌تى د راپۆرته‌كێدا لدور ره‌وشا ئاوارێن عیراقى راگه‌هاند، پشتى پێنچ سالان ژ ئازادكرنا ده‌ڤه‌رێن داگیركرى ژ ده‌ستێن تیرۆرستێن داعش ل عیراقێ، لێ تا نوكه نێزیكى ئێك ملیۆن و 200 هزار ئاوارێن عیراقى كو زوربه‌یا وان خه‌لكێ پارێزگه‌ها سه‌لاحه‌دین و نه‌ینه‌وا و دیالانه، ژبه‌ر چه‌ند ئه‌گه‌رێن ئه‌منى و كۆمه‌لایه‌تى و ئابوورى نه‌شێن ڤه‌گه‌رنه جهێ خۆ
Comments are closed, but trackbacks and pingbacks are open.