وه‌زیرێ سامانێن سروشتى یێ هه‌رێما كوردستانێ ب وه‌كاله‌ت راگه‌هاند، سه‌رجه‌م كێشه‌یێن دناڤبه‌را هه‌رێم و به‌غدایێ دا ل دۆر هنارتنا پترۆلا هه‌رێمێ به‌ره‌ڤ چاره‌بوونێ نه، لێ تا نها ئالیێ توركیا به‌رسڤا وه‌زاره‌تا پترۆلا ئیراقێ نه‌دایه.
كه‌مال محه‌مه‌د، وه‌زیرێ سامانێن سروشتى یێ هه‌رێمێ ب وه‌كاله‌ت دگه‌ل د. تۆركیلد بیوگ هنارتیێ ئێكه‌تیا ئه‌ورۆپا ل ئیراقێ كۆمبوو، باس په‌یوه‌ندێن هه‌رێمێ و به‌غدایێ و ده‌ستپێكرنا هنارتنا پترۆلا هه‌رێمێ كرن.
كه‌مال محه‌مه‌د ل دۆر هارتنا پترلا هه‌رێمێ دا زانین، سه‌رجه‌م كێشه‌یێن دناڤبه‌را هه‌ولێر و به‌غدایێ دا ل دۆر هنارتنا پترۆلا هه‌رێمێ به‌ره‌ڤ چاره‌بوونێنه، لێ تا نها توركیا بێده‌نگه ل دۆر ڤێ مژارێ و به‌رسڤا ئیراقێ نه‌دایه.
هه‌یڤا بۆرى حه‌یان عه‌بدولغه‌نی، وه‌زیرێ پترۆلا ئیراقێ راگه‌هاند، چ كێشه ل دۆر هنارتنا پترۆلا هه‌رێمێ نه‌ماینه و به‌رى دو هه‌فتیان ژى وه‌زاره‌تا پترۆلا ئیراقێ ژ توركیا خواستبوو ده‌ست ب هنارتنا پترۆلا هه‌رێمێ بهێته كرن. لێ چاڤدێر بێده‌نگیا توركیا ب هه‌لبژارتنێن سه‌رۆكاتیا وى وه‌لاتیڤه گرێ دده‌ن دبێژن پشتى هه‌لبژارتنان دێ تركیا هه‌لوه‌ستێ خۆ دیار كه‌ت.
Comments are closed, but trackbacks and pingbacks are open.