ناجــح بێجــــانــــی:
من دڤێتن ل دەستپێکێ بەحسێ دیاردەکێ بکم، یابوویە جهێ نەڕازیبوونا گەلەک کەسان ب تایبەتی ل سۆشیال مەدیایێ دا ژ بەر بەلاڤکرنا وێنەێین مرۆڤێن وەغەکری ب وێ سەرەدەریێ بەرانبەر وان دئێتە کرن ، ئانکو هندەک وێنە دبن جهێ دل گڕانییا کەس وکارێن وەغەکری وەک بێ ڕێزییێ دبنن ، جارێ ئەگەر ئەم بەحسێ ئەورۆپا و هندەک جهێن دژی بکن ژێکجوداهیەکا هەیی دناڤبەرا مەو وان دا ، پشتی کو کەسەک دچیتە بەر دلۆڤانییا خۆدێ ب رێیا ناما یانژی ب ر ێیا رۆژنامەکا ناڤخوەییا وی باژێرێ بەلاڤ دبت و گەلەک جاران حەتا ناڤ ونیشانێن وی کەسی ژی دگەل بەلاڤ دکن مەرەم ژێ ئەوە داکو هەڤال ودوستێن وی ئاگەهدار بن ل سەر مرنا وی و دەستنیشانکرنا وەختەکی بۆ ئەوێن بشێن پشکداریێی د رێورسمێن ڤەشارتنێ یان سۆتنێ دا بکن و خاتر خوەستنا دووماهیکێ ل سەر جەنازێ وی بکن ، ژبەرکو هەر کەس یێ مژوولی شۆلی یە ئەو دەرفەت نینە سەرەدانا هەڤدوو بکن داکو ب زانین وەزعێ وی چەوا نە ، یانژی کەنگێ وەغەرکریە، بەحسێ دیاردێن نەشرین بکم ل کوردستانێ ئەوژی ب رێیا فێسبووکێ ێ وئینستگرام یان ژی سۆشیال مەدیایێ ب گشتی دهێنە کرن دەمێ سەرەدانا کەسەک نەخۆش ل مال یانژی ل خەستەخانێ کەن هەر چەندە جل وبەرگ وئەو جهێ لێ ژی ، بەلکو نە یا لائێقە بۆ وێنەگرتنێ، ل شوونا دو پەیڤێن جوان وداخازا سلامەتییێ بۆ بکن وهەر چ نەبیتێن دا دلێ وی ئارام بت ، ڤێجا دێ بینی بەر پەریێن سۆشیال مەدیایێ پر بوون ژ وان وێنا ، حەتا من یا گوهـ لێ بووی ، گەلەک جاران مرۆڤێن نەساخ یا گۆتیە وان کەسا ئەڤ وێنە بۆ هندێیە داکو پشتی مرنا من هوون ل فێسبووکێ خەتەک رەش ل سەر دانن ، دیاردەکا دیتر یا بەر بەلاڤ دەمێ کەسەک دمریت ، ڤێجا هەر کەس بکەیفا خوە دێ وێنێ وی کۆپی کەت وبۆ چەند لایک وکۆمێنتا وگەلەک جاران ژی ناڤ ب خەلەتی دئێنە نڤیسین ، چونکو نا نیاسن یا ژ هەمیا پتر مرۆڤی دئێشینیت ب تایبەت ئەڤێن ئەم ژ دەرڤەیی وەلاتی دژین و گەلەک جاران مە یا گۆتی: ئێکدو ئەم نە وێرین فێسبووکێن خوە ڤەکن ڕاستە مرن حەقە، لێ چەند یا نەخۆەشە راستەوخوە بێ کو تو هزر بکەی عەزیزترین کەسێ خوە ژ دەست بدەیی ب ڕێیا هندەک کەسێن دوور و نێزیک حەتا خزماینی ژی دناڤبەرا وەدا نینە،کوهەست پێ بکت ئەوێ بەرانبەر ژ دەست دانا کەسەک نێزیک وی کا دێ چەند پێ داخبار بت وکاڕتێکرن ل سەر دەروونی ب تایبەت ئەوێن دوور ژ وەلاتی ئەرێ باشتر نینە کەسەک دمال باتێدا وێنێ وی دانێن ژ بەرکو خەلک ب زانین وەغەکریە ، داکو هەمی پێکڤە لاڤیێن خێرێ بۆ بکن داخازا ژ خودایێ مەزن بکن جهێ وی بکەت مێرگەگ ژ مێرگێن بحەشتێ ، یانژی ئەو رۆژێین تازییا قەرەبالغەک مەزن چێدبیت ل شوونا بێ دەنگییێ دێ بینی گەلەن ئاخفتنێن ب ژیانا رۆژانە ڤە دئێنە بەحسکرن دوور نێزیک پەیوەندی ب مرنێ ڤە نینە ، ل کوردستانێ حەتا ژ لایێ ئابۆری ژی ڤە بارگرانیەک مەزن بۆ مالا کەسێ وەغەکری چێ دکن ل شوونا خەمێن وان سڤک بن ، ژبەرکو نووکە گەلەک ئالاڤێن پەیوەندییا یێن هەین هوون دشێن ب رێیا نامەکێ یێن ژی پەیوەندییا تەلەفوونێ سەر ساخیێ بکن و خودانێ تازییێ ژی دڤێن قەبوول بکت وهەر وەکو ئامادەبوون ل تازییا وان .
Comments are closed, but trackbacks and pingbacks are open.