بێوارحسێن زێباری , ھەولێر:
ئەگەر بەحس دەڤەرێن ھەرێمی ب جوداھی بکەین دێ بینن کۆ دەڤەر بۆ دەڤەرێ جوداھیەک ھەیە بۆ خودانکرنا مەرو مالاتی و یا زەنگینە ژی ، بەرھەمەک باش ژ دەست دکەفیت، لێ وەکی خودان مەرومالات ددەنە دیارەکرن کۆ ئەڤ بەرھەمێ ھەنێ ھندەک ب ھەدەر دچیت وەک ھری دنوکە دا وەکی بەرێ گرنگیا خۆ نەمایە و گرنگی پێ ناهێتە دان .
سالح مەجید , ئێکە ژ خودانێ مەرو مالاتی ل دەشتا ھەولێرێ بۆ ماڵپەڕێ ” زێ بادینان” داخویاکرن ، کۆ ئەڤە پتریا ٥٠ سالانە ئەم خودانکرنا مەرومالاتی دکەین و بەردەوام ل وارگەھێن چەروانی دگەرێن بۆ خودانکرنا مەرو مالاتێ خۆ ، لێ یا مە دڤێت ژی ئەوە کۆ بەرھەمەک باش بگەھیتە مە و ژین و ژیارا مە ژی لسەر ڤی مەرومالاتیە ،بەلێ یا خۆیا یە کۆ رۆژ ب رۆژ گرنگی ب ھەبوونا بەرھەمێ خۆمالی یان ژی یێ مە سست دبیت و لاوازیەک پێڤە دیارە ، ناگەھیتە وی ئاستی کۆ ئەم پێڤە زۆر ماندی دبین و نەخۆشیان ژی دبەین لسەر خۆدانکرنا وی ،بەلێ پا ئەم د مالدا ھەموو بێ مووچەینە و کەس ژمە فەرمانبەر ژی نیە لێ دەڤەرا مە ژی بکێر رەز و باغان ژی ناھێت ھەتا بھێت ژی ئەم یێن فێری خۆدانکرنا مەرومالاتی بووی .
سالح زێدەتر دادیارەکرن ، ئەم وەک خودان مەرومالات داخاز ژ جھێن شولە ژی و پەیوەندیدار کەین ،کۆ رێ ب مەرومالاتی بیانی یان بەرھەمێ وان نەھێتە دان و پتر یێ خۆمالی بکەفیتە ناڤا بازاراندا و بھایەکێ باش ژبۆ کریار و فرۆشیاری ژی بھێتە دانان دا ھەردوو لا تیێدا خوسار نەبن , یا مە دڤێت ئاماژە پێ بدەن ئەوە کۆ ( ھریا مەری ) و بزنی َ یە، بەریا چەند سالان ھەتا رادەکێ باش کار و کریار لسەر ھاتە کرن، لێ د ئەڤرۆکە دا ب ئاوایەکێ نەیێ باش و ھەتا ب ھەدەر ژی دچیت و تنێ بۆ ساخلەمی و گەرما مەرێ یان یزنێ نەبیت نەکۆ وەکو پێدڤی چو بھایەک باش نینە و دھێتە ھاڤێتن ژی , و لەوما دخازین کۆ پتر گرنگی ب ھریی و مۆیێ بزنێ بھێتە دان ،ئەو بەرھەمە ژی ببیتە ھاندەرەک بۆ دەستڤەئینانا داھاتەکێ و خۆشیا رێڤەبەرنا کارێ خۆ ژی نەبیتە بارگرانیەک بۆ خودانێ مەورومالاتی .
نەجیب خالید ژی کریارەکە کۆ بەریا نوکە کاری فرۆتنا مۆ و ھریا مەر ومالاتی کریە و دبێژیت کۆ : بەریا نوکە بھایەکێ باش دھاتە کرین و فرۆتن و خەلکی تا رادەیەکێ باش حەز لسەر ھەبوویە، لێ دنوکە دا گورانگاریەک بسەردا ھاتیە و ئەو بارزای وان یێ جارا نەمایە , بەلێ ئەم ژی وەک خودانێ کریاری و فرۆتنێ حەز کەین کار لسەر ھەبیت ھەم بۆ مە ژی باشە و کارێ مە دێ ھەبیت، بەلێ نوکە خەلکی پتر حەزا لسەر یێن بەرھەڤکری دبازاری دا ھەیە، لەوما بوویە سەدەم کۆ ئەو ھریە ب ھەردە بھێتە ھاڤێتن .
خاتوو باخان ئێکە ژ خاتینێن بەر مالێ وەسا دبێژیت، کو ئەم وەک ئافرەت ژی مل ب ملێ زەلامان کار کەین ، ئەفجا چو کارێن ناڤ مالێی بن یان ژی یێن دەرڤە بن ، ئەگەر بەحس یێن ناڤمالێی بکەین ئەوەکو ئەگەر زەلام کار بکەن تایبەت برینا هریێ ئەوا ئەو پێدڤی خارن و ڤەخارنەکێ یە، دڤێت ئەڤ ژنە ژی کارو بارێن مالێ رابن سپێدێ هەتا ئێڤاری ژبلی بێریا خو ژی و خودانکرنا زاروک و مێفانان ژی .
Comments are closed, but trackbacks and pingbacks are open.