▪  وەزارەتا خواندنا بلند دەلیڤەیێن خواندنێ ل توركیا ڕاگەهاندن

وەزارەتا خواندنا بلند و ڤەکۆلینێن زانستی، مامۆستا و فەرمانبەر و وەلاتییێن هەرێما کوردستانێ ئاگەهدار دکەت، کو وەلاتێ تورکیا دەلیڤەیا خواندنێ بۆ بەرنامەیێ (بەکالۆریۆس، ماستەر و دکتۆرایێ) بۆ سالا خواندنا (2024-2025) ڕاگەهاندن.

هەر کەسێ مەرجێن خوارێ ل دەف هەبن و حەزا خواندنێ ل زانکۆیێن وەلاتێ تورکیا هەبیت، ل دویڤ ئەڤان تێبینیێن خوارێ دشێن داخوازیێ پێشکێش بکەت، داخوازکەر ب ڕێکا ئەڤی لینکێ ل خوارێ هەتا 20-02-2024ـێ فۆرما خۆ دابگریت.

‏https://www.turkiyeburslari.gov.tr

بەکالۆریۆس:

– داخوازکەر دڤێت وەلاتییێ هەرێما کوردستانێ بیت.
– دڤێت ل چ دامودەزگەهەکێ حکومەتا هەرێما کوردستانێ نەهاتبیتە دامەزراندن.
– داخوازکەرێ بوارێ پزیشکی پێشکێش دکەت، پێدڤییە سەرجەمێ نمرەیا پۆلا دوازدێ ئامادەیی ژ (85%) کێمتر نەبیت و یێ بوارێ ددان و دەرمانسازی پێشکێش بکەت، پێدڤییە سەرجەمێ نمرەیا پۆلا دوازدێ ئامادەیی ژ (80 %)کێمتر نەبیت، هەروەسا یێ بوارێ ئەندازیاری پێشکێش بکەت، پێدڤییە سەرجەمێ نمرەیا پۆلا دوازدێ ئامادەیی ژ (75 %)کێمتر نەبیت.

– داخوازکەرێ سەرکەفتی ژ لایێ وەلاتێ تورکیا ڤە پشتەڤانییا دارایی دگەل دهێتەکرن.
– وەزارەتا مە چ فایلێن ل بەر دەست نینن کو کار ل سەر بکەت، ئەڤجا هەتا دەرچوونا ئەنجامان ب چ شێوەیەکی سەرەدانا وەزارەتێ نەکەن.
– داخوازکەرێ سەرکەفتی پێدڤییە دۆسەیا ئەلکترۆنی ژ وەزارەتا خواندنا بلند و ڤەکۆلینێن زانستی ب ڕێکا ئەڤ لینکێ ل خوارێ بهێتە داگرتن

؛‏https://scholarship.digital.gov.krd/#/login

ماستەر:

– دڤێت داخوازکەر سەرجەمێ نمرەیا ماستەرێ ژ (70%) کێمتر نەبیت.
– داخوازکەر دڤێت د هەمان بوارێ خۆ دا دکتۆرایێ پێشکێش بکەت. (ئانکۆ ماستەر و دکتۆرا ئێك بوار بیت).
– داخوازکەرێ سەرکەفتی ژ لایێ وەلاتێ تورکیا ڤە پشتەڤانییا دارایی دگەل دهێتەکرن.
– داخوازکەرێ سەرکەفتی ئەگەر ل دامودەزگەهەکێ حکومەتێ یێ دامەزراندی بیت، ژ لایێ وەزارەتا پەیوەندیدار ب تنێ دێ مۆلەتا خواندنێ بۆ هێتەدان.
– وەزارەتا مە چ فایلێن ل بەر دەست نینن کو کار ل سەر بکەت، ئەڤجا هەتا دەرچوونا ئەنجامان ب چ شێوەیەکی سەرەدانا وەزارەتێ نەکەن.
– داخوازکەرێ سەرکەفتی پێدڤییە دۆسەیا ئەلکترۆنی ژ وەزارەتا خواندنا بلند و ڤەکۆلینێن زانستی ب ڕێکا ئەڤ لینکێ ل خوارێ بهێتە داگرتن؛

‏https://scholarship.digital.gov.krd/#/login
تێبینی:
هەر کەسێ ئەڤ مەرجێن ل سەری ل دەف نەبن، مۆلەتا خواندنێ بۆ ناهێتەدان.