▪ وەزارەتا پەروەردەیێ ئەڤ ڕێنمایێن ل خوارێ ژبۆ تۆمارکرن و وەرگرتنا زارۆکان ل باخچەیێن حکومی ڕاگەهاندینە

وەزارەتا پەروەردەیێ ئەڤ ڕێنمایێن ل خوارێ ژبۆ تۆمارکرن و وەرگرتنا زارۆکان ل باخچەیێن حکومی ڕاگەهاندینە:

١- وەرگرتنا زارۆکان ل باخچەیێن حکومی ب پلەیا ئێکێ ل سەر بنەمایێ جهێ جوگرافی دهێت.

٢- ئەگەر پشتی وەرگرتنا زارۆکان ل سەر بنەمایێ جهێ جوگرافی، باخچەیی جهێ زێدە ما، وەرگرتن دێ ب تیروپشکێ بیت بۆ گشت زارۆکێن دیتر، ل دویڤ شیانێن ئەوی باخچەی.

٣- ئەگەر ژمارەیا زارۆکێن ل دویڤ جهێ جوگرافی دهێنە وەرگرتن زێدەتر بوو ژ شیانا ئەوی باخچەیی، وەرگرتنا زارۆکان دێ ب تیروپشکێ بیت.

٤- ئەو باخچەیێن دوو دەوام، ل سالا خواندنێ (٢٠٢٤/٢٠٢٣) دێ بیتە ئێک دەوام، ئەگەر ئاریشەیا وەرگرتنا زارۆکێن (٤) سالی هەبوو، دڤێت ب تنێ بۆ سالا خواندنێ (٢٠٢٤/٢٠٢٣) زارۆکێن نوی بۆ قۆناغا ئێکێ یا باخچەیی وەرنەگرن.

٥- بۆ قۆناغا ئێکێ یا باخچەی، ب تنێ زارۆکێن چار سالی دهێنە وەرگرتن کو ڕۆژا ژ دایکبوونێ ژ ١-١-٢٠١٩ هەتا ٣١-١٢-٢٠١٩ بیت. هەروەسا بۆ قۆناغا دوویێ یا باخچەی، زارۆکێن پێنج سالی دێ هێنە وەرگرتن کو ڕۆژا ژ دایکبوونا ئەوان ژ ١-١-٢٠١٨ هەتا ٣١-١٣-٢٠١٨ بیت.