یانه‌یا پاریس سانجێرمان یا فره‌نسى ئوفه‌ره‌كا نوو پێشكێشى ستێرا خوه كیلیان ئێمباپى كر.
هه‌ڤبه‌ستا ئێمباپى دگه‌ل یانه‌یا پاریسى دێ ل هاڤینا سالا 2024ێ ب دووماهى هێت و ئه‌وى ماف هه‌یه بۆ ساله‌كا دیژى هه‌ڤبه‌ستا خوه نوو بكه‌ت، لێ ب شێوه‌یه‌كێ فه‌رمى كارگێرییا یانه‌یێ ئاگه‌هداركرییه كو وى به‌ندى ئه‌كتیف ناكه‌ت.
ل دووڤ پرۆگرامێ چێرینگیتۆ یێ ئسپانى، پاریسێ ئوفه‌ره‌كا نوو هه‌تا سالا 2027ێ پێشكێشى ئێمباپى كرییه و یاریكه‌ر دێ د هه‌ڤبه‌ستا نوودا 500 ملیۆن یورۆیان وه‌رگریت.
پرۆگرامێ ئسپانى ئاشكراكر، ئه‌و 500 ملیۆن یورۆیه دێ ل سه‌ر دوو پشكان هێنه به‌لاڤكرن، 100 ملیۆن یورۆ وه‌كو پاداشتێ ئیمزاكرنا هه‌ڤبه‌ستێ، دگه‌ل مووچه‌یه‌كێ سالانه كو دگه‌هیته 100 ملیۆن یورۆیان.
هه‌روه‌سا چێرینگیتۆى دیاركر، ریال مه‌درید چ لڤینان دهه‌ڤبه‌ستا ئێمباپیدا ناكه‌ت، ئه‌گه‌ر پاریس پێنگاڤا ئێكێ یا ده‌ستبه‌ردانێ ژ ستێرا خوه نه‌هاڤێژیت، ئاماژه ب هندێ ژى دا، ئوفه‌را پاریس سانجێرمانێ دووماهى پێنگاڤا یانه‌یێ یه بۆ پاراستنا ئێمباپى، ئه‌گه‌ر كیلیان رازى نه‌بوو، دێ نێزیكى ریال مه‌دریدێ بیت.
Comments are closed, but trackbacks and pingbacks are open.