عومه‌ر توفی
………
پشتی ل أوکتوبه‌را سالا ۲۰۲۳ رۆژهه‌لاتا نافین دکه‌فيته دناف شه‌ره‌کێ بێ ئه‌نجام و نه چاڤه‌رێ کری دا ئه‌ڤ شه‌ره ب شه‌ره‌کێ چيوپولوتیکی و جیوسیاسی دهێته وه‌سف کرن و هه‌ما ده‌م ئه‌ڤ هێرشه بویه ئه‌گه‌رێ هندێ رۆژهه‌لاتا نافین بکه‌فیته دناف دوخه‌کێ ئالۆز و ناڵه بار دا ل رویێ ( سه‌قامیگری و ستراتیژی و سیاسی و ئابووری …هند ) .
ژ بۆ جیهانێ وه‌سا هاتیه سه‌لماندن کۆ ئه‌ڤ شه‌رێ دنافبه‌را ( ئه‌مریکا و ئیران ) هاتیه رویدان و ئه‌ڤ هێرشه ژبه‌ر هه‌بوونا و بهێزبونا هه‌ژموونێ رژێما ئیرانێ ل رۆژهه‌لاتا نافین و ئه‌و ده‌ستوه‌ردانێن رژێما ئیرانێ ل کاروبارێن سه‌روه‌ریا جه‌ند وه‌لاته‌کێن رۆژهه‌لاتا نافین دا دکه‌ت بویه جهێ سه‌ر ئێشانێ بو ههمی جیهانێ .
سیاسه‌تا دیموکراتیا ژ بۆ ههمی جیهانێ وه‌سا هاتیه دیار کرن کۆ ئه‌مریکا هه‌ماهه‌نگی دگه‌ل هه‌ڤالبه‌ندێن خۆ دا کار دکه‌ت ژ بۆ هه‌ر گورانکاریه‌کا مه‌زن ستانده‌رێ رۆژهه‌لاتا نافین دهێته پێش ل رویێ جوگرافی و سیاسی و ئابووری …هند دا ٫ به‌س ئاسته‌نگێن مه‌زن که‌فتنه به‌رسینگێ ئه‌فان گورانکاریا ژبه‌ر بهێزبونا هه‌ژموونا رژێما ئیرانێ ب هاریکاریا سیاسه‌تا ههردوو وه‌لاتان وه‌کی ( چین و روسی ) ل رۆژهه‌لاتا نافین دا.
دوماهیك جار لدیف جه‌ند پێزانین هاتینه وه‌لاتێ ئیمارات بویه پێگه‌هێ ئێکلاکرنا کومبونێن سه‌ربازی و سیاسی و ئابووری تایبه‌ت و دیراسه‌ت کرن لسه‌ر شه‌رێ نها ل رۆژهه‌لاتا نافین هاتیه روخساندن و ئه‌ڤ کومبونه دنافبه‌را ( ئه‌مریکا و ئیرانێ )دا هاتبوو ئه‌نجام دان ژ بۆ راگه‌هاندنا ناوچه‌کا ئارام ل رۆژهه‌لاتا نافین و راگه‌هاندنا ئاگربه‌سته‌کا ریشه‌ی و راکرنا وان پرسگرێکا ئه‌وێن که‌فتینه دنافبه‌را ( چه‌کدارێن حماس و ده‌وله‌تا ئیسرایل )دا و هه‌مان ده‌م رێکه‌فتنا کونگرێتی هاته راگه‌هاندن دا کۆ ئه‌و هێرشێن ژ لایێ چه‌کدارێن ئیرانێ ڤه دهێنه ئه‌نجام دان لسه‌ر پێگه‌هێ هێزێن ئه‌مریکا و هاوپه‌یمانان ل رۆژهه‌لاتا نافین تایبه‌ت ل وه‌لاتێن ( عێراق و سوریا و یه‌مه‌ن ..هتد )دا بهێنه راوه‌ستاندن و هه‌ژموونا رژێما ئیرانێ لاواز بیتن .
به‌س ئه‌ڤ هه‌وله سه‌ر نه‌گرتن ژبه‌ر جه‌ند ئه‌گه‌ره‌کێن نه‌خازراو ……
( ده‌مێ کومبونا نه‌ته‌وه‌یێن ئێکگرتی هاتیه ب رێڤه‌برن ده‌وله‌تا ئه‌مریکا ئه‌و رێکه‌ڤتنێن کونگرێتی ل وه‌لاتێ ئیماراتێ راگه‌هاندنی دگه‌ل رژێما ئیرانێ دانا لسه‌ر مێزا گفتوگویێ دا کۆ گوته‌بێژ لسه‌ر بهێته کرن و بریاره‌کا گرنگ ژ لایێ نه‌ته‌وه ئێکگرتی ڤه بهێته دان ٫ به‌س ل ئێك ده‌م دا ههردوو ده‌وله‌تێن زلهێز وه‌کی ( چین و روسی ) ب ههمی شێوه‌یا ئه‌ڤ رێکه‌فتنه ره‌ت کر و هه‌لویستنێن توند به‌رامبه‌ر ئه‌ڤێ رێکه‌فتنێ راگه‌هاندن ) .
چین و روسی ههمی ده‌مان دژی ههمی هه‌لویست و سیاسه‌تا ئه‌مریکا راوه‌ستیانه ل ( رۆژئاڤا و رۆژهه‌لاتا نافین و تا کۆ سه‌رتاسه‌ری جیهانێ )ژی داجونکی بهێزبونا هه‌ژموونا ئه‌مریکا ل رویێ سیاسی و ئابووری و سه‌ربازی و دیبلوماسی و ستراتیژی …هند ئانکۆ لاوازبوونا چین و روسی دهێته وه‌سف کرن ل ناوچێ دا و له‌وانه‌یه چین و روسی دگه‌ل هندێ دا نینن ب هیچ شێوه‌کێ شه‌ري نها ل رۆژهه‌لاتا نافین سه‌رهلدای ب شێوه‌کێ ساناهی بهێته راوه‌ستاندن جونکی ئه‌ف شه‌ره تایبه‌ت به‌رژه‌وه‌ندیێن چین و روسی دهێته چه‌سپاندن و پاراستن تایبه‌ت ژبه‌ر هه‌بوونا شه‌رێ درێژخایه‌ن ( روسی و أوکورانیا ) و شه‌رێ ئابووری و وزه و سیاسی ( چین و ئێکه‌تیا ئا‌وروپی ) دا کۆ ئه‌مریکا نها دا کارێن سیاسی و سه‌ربازی و ئابووری ..هند ل رۆژئاڤا و رۆژهه‌لاتا نافین ئه‌نجام نه‌ده‌ت و نه‌بیته ئه‌گه‌رێ ماتیکرنێ دناف کارێن سیاسه‌تا وه‌لاتێ ( چین و روسی ) دا .
Comments are closed, but trackbacks and pingbacks are open.