ئاوارە نێروەیی
مەرەما مە ب پسیارێن ژیرانە ئەو پسیارن ئەوێ تو پێ بشێی کەسێ بەرامبەر بکێشییە دناڤ دانوستاندن و ئاخفتنا ئاساییدا و هەروەسا دا ب روینشتنا دگەل تەدا یێ خۆشحال بیت و هەست ب ئارامیێ بکەت د گەل تە ،هەروەکی تو پسیارا زارۆك و خێزانا وی دکەی یان ژی پسیارا کاروبارێن وی یێن تایبەت دکەی، (باغ و بیستانێن وی، یان کارگەهێن وی، یان جهێن وی یێن بازرگانی)دکەی یان پسیارا وان بواران بکەی یێن ئەو گرنگیێ پێ ددەت وەکی (گەردونییا ستێرا یان یانەیەکا وەرزشی ،و هەر تشتەکێ دی) یان پسیارا وان کارا بکە ئەوێن ئەو تێدا شارەزا ،یان پسیارا وان کارێن ئەو پێ کەیف خۆش دبیت وەکی (بیرهاتنێن بوری ،وان هەلویستێن دیار و مێرخاسانە)یێن وی یان هەر پسیارەکا دی یا ژیرانە و یا جوان بیت.مە دڤێت ئاماژێ ب وێ چەندێ بدەین کو هندەك پسیارێن (نەژیرانە)و نە جوان یێن هەین دبنە جهێ دل تەنگی و نە ڤیانا کەسێ بەرامبەر و دبیته ئەگەر خۆ دویربکەت ژ سەرەدەریا تە بۆ نموونە ئەگەر پسیارا تایبەتمەندی و نهێنیێن وی یێن نەڤێت کەس پێ ئاگەهدار بیت یان پسیارا پارە قازانج و مفایێ وی بدەست خۆڤە ئینایی یان هەلویستێن وی یان یێن خێزانا وی یان یێن برایێن وی یێن نە جوان کو وی ل شەرمێ ددەن یان هەر تشتەکێ دی .
Comments are closed, but trackbacks and pingbacks are open.