سه‌رۆكێ لژنه‌یا پێشمه‌رگه‌ى ل په‌رله‌مانێ كوردستانێ دیاركر، لیستا هه‌موو ئه‌وان ئه‌فسه‌رێن پێشمه‌رگه‌ى هاتییه ئاماده‌كرن، یێن ده‌مێ بلندكرنا پله‌یێن وان هاتى، و حكومه‌تا هه‌رێما كوردستانێ بریار دایه پله‌یا هه‌موو ئه‌فسه‌ران بهێته بلندكرن.
رێڤینگ هرورى سه‌رۆكێ لژنه‌یا پێشمه‌رگه‌ى ل په‌رله‌مانێ كوردستانێ بۆ ئاژانسا خانى ئاشكراكر، بلندكرنا پله‌یێن ئه‌فسه‌ران پرۆسه‌یه‌كا به‌رده‌وامه و هه‌ر چار سالان جاره‌كێ پله دهێنه بلندكرن، لێ ژماره‌یه‌ك مایه نه ڤه‌گه‌ریاینه و ژماره‌یه‌كا ئه‌فسه‌ران دوو جاران پله‌یێن وان هاتینه و ب تنێ ئێك وه‌رگرتییه و خانه‌نشین بووینه، و دخوازن ئه‌و پله‌یا ماى ژى بۆ بهێته هژمارتن.
و گوت: رێنما ژ وه‌زاره‌تا پێشمه‌رگه‌ى بۆ پله‌بلندكرنێ هه‌نه، لێ ژبه‌ر شه‌رێ داعشێ هاتبوونه راوه‌ستاندن، و ژماره‌یه‌كا مه‌زن كه‌ڤتنه سه‌ر ئێك، له‌وما حكومه‌تا هه‌رێما كوردستانێ بریار دایه پله‌یا هه‌موویان بهێته بلندكرن، ئه‌وژى دێ ب رێكا چه‌ند گه‌ڕان بیت، لیستا هه‌موو ئه‌فسه‌ران یا ئاماده‌یه و دێ ره‌وانه‌ى جڤاتا وه‌زیران هێته‌كرن، ئه‌وژى به‌رده‌وام دێ دوڤچوونێ بۆ ئاریشه‌یێن پێشمه‌رگه‌ى كه‌ن، و ئه‌وێن ماین ژى پله‌یێن وان دێ هێنه‌بلندكرن.
Comments are closed, but trackbacks and pingbacks are open.