فەلاح حاجی، پەیڤدارێ ڕێڤەبەریا گشتی یا وەبەرهێنانێ ل پارێزگەها دهۆکێ بۆ ئاژانسا خانی ڕاگەهاند، ئەڤرۆ ستافێ كۆمپانیایێن شیناڵ و SCA کو دوو کۆمپانیێن بریتانی و چینی نە سەرەدانا رێڤەبەریا گشتی یا وەبەرهێنانێ كرن و دەربارەی پڕۆژەیێ 150 مێگاواتی یێ هێزا رۆژێ یێ كارەبێ دگەل رێڤەبەرێ گشتی یێ وەبەرهێنانێ د. هەڤال صديق ئیسماعيل كۆمبوو.
گۆتژی:”د كۆمبوونێدا بەحسا چاوانیا دانان و تەرخانكرنا جهەكێ گونجایی بۆ پڕۆژەی لدووڤ ستاندارین نێڤدەولەتی و چاوانیا وەرگرتنا پەسەندا رێڤەبەرییێن حكومی ل دووڤ یاسایا وەبەرهێنانێ هاتەكرن.
پەیڤدارێ ڕێڤەبەریا گشتی یا وەبەرهێنانێ دیارکر ژی، سەرمایێ پڕۆژەی 150 ملیون دۆلارن و دهێتە چاڤەڕێكرن كو ل دەمەکێ نێزیك دەست ب بجهئینانا پڕۆژەی بكەن، كو دێ هێزا بەرهەمئینانا كارەبا هەرێما كوردستانێ بلندتر كەت و دێ ب تۆڕا كارەبا گشتی ڤە هێتەگرێدان.
فەلاح حاجی ئاماژە کر ژی، دوو پڕۆژەیێن بەرهەمئینانا كارەبێ مۆلەتا وەبەرهیێنانێ وەرگرتیە، کو پرۆژەیەک ژ ئەوان ب 1000میگاوات ل كواشێ و یێ دی ژی 150 میگاوات ل شێخان و ئەڤە سێیەمین پڕۆژەیێ بەرهەمئینانا كارەبێ یە ل پارێزگەها دهۆكێ.
Comments are closed, but trackbacks and pingbacks are open.