ئاوارە نێروەیی
پۆرترێت ڤەگێرانا سەرهاتیا کەسەکێ یان کەیسەکا رێکخستنەکێ یە کو بۆ خاندەڤانان جهێ گرنگیێ یە نڤیسەر هەموو هونەرێ خوە یێ نڤیسینێ بکاردئینیت بۆ ڤەگێرانا وێ سەرهاتیێ هەر وەکی ب پەیڤان ڕەنگێ ژیانێ بدەتێ.دپۆرترێتێدا ب ڕەنگەکێ یەکسەر بریار لسەر بابەتی ناهێتە دان و ب ڕەوشەکا دیارکریدا ناهێتە برن خاندەڤانان بخوە ئەگەر و دەرئەنجامێ وێ پۆرترێتێ دێ دارێژن ئەو ژی ل گوری وان هویرکاتی و ڤەگێرانێن نڤیسەری هەلبژارتین پۆرترێت پتر نیشاندانا دیمەنانە ل جهێ گوتنێ
چەوا پۆرترێت دهێتە دارشتن :
گەلەک شێوازێن جودا بۆ ڤەگێرانا چیرۆکێ د پۆرترێتێدا دهێنە بکارئینان.
شێوازێ ژ هەمیان دیارتر ئەو شێوازە ئەوێ وەکی سینەمایێ گرتنا وێنەیێن نێزیک (کلوز ئەپ)و ڤەکری (واید ئەنگل)تێدا بکاردهێن.
ل دەما نڤیسینێ وێنەیێن نزیک کری دێ هویرکاتیان دەربارەی وی بابەتی یان وی کەسی بێژی و بۆ وێنەیێن ڤەکری ژی دێ بەحسا ڕاستیان پاشخانە و بۆری و زانیاریێن دی کەی.
شێوازێن وێنەیێن نێزیک کری و ڤەکری ب ڕەنگەکێ یەک ل دویف یەکێ دهێنە دانان و بەردەوامیێ پێ ددەت.
پێدڤییە ئەو هەستێ مەرەقبوونێ و ئەو سەرکەفتن و داکەفتنێن د ڤەگێرانا چیرۆکێدا هەی د پرانیا پۆرترێتێدا بهێتە پەیرەوکرن.
چەند جورێن پۆرترێتان هەنە:
پۆرترێتا کەسی. پۆرترێتا باژێرەک یان جهەک.
_پۆرترێتا سازیەک یان رێکخستنەک.
خو ئەگەر پۆرترێت دەربارەی کەسێ ژی نەبیت واتە ئەگەر جورێ دوویێ یان سیێ بیت پێدڤییە ئەو گوشە بهێتە بەحسکرن یا گرێدایی مرۆڤان و تەکەزێ لسەر بکەت ئەگەر وەسا نەبیت ئەو پۆرترێت دێ بێتام و بێزارکەر دەرچیت.
درێژی و کورتیا پۆرترێتان:
دڤێت پۆرترێت دناڤبەرا (٨٠٠بۆ١٠٠٠)پەیڤ بیت .
پۆرترێتەکا کورت دڤێت ٥٠٠پەیڤ بیت لێ پێدڤییە د ڤی جوریدا زانیاری ڕاستر و ڕەهوانتربن دەربارەی بابەتێ دەستنیشانکری پۆرترێتێن کورت گونجاینە بۆ وان بابەتێن کو پشکەکن ژ رویدانێن هەنوکەیی و بتایبەت کو دەمەکێ پێدڤی لبەر دەست دا نەبیت بۆ دیڤچوون و لێکولینێن پتر.
رێنمایێن نڤیسینا پۆرترێتان:
_د پۆرترێتێدا زمانێ وەسفکرنێ دهێتە بکارئینان و مفا وەرگرتن ژ هەر ٥ هەستان دهێت وەرگرتن وەکی گوهلێ بوون، دیتن ….هتد.
پۆرترێت ب تەنێ نیشان ددەت و چ نابێژیت. دپۆرترێتێدا دڤێت زمانەکێ ئێکانە و بێ هاوتا ب کاربینی.
_ئەگەر دناڤا پۆرترێتێ دا هویرکاتیێن دەربارەی بابەتی تێدابن نابیت ئەو هویرکاتی ب ڕەنگەکێ هەرەمەکی بهێنە دانان دڤێت دگەل ڕێزکرنا چیرۆکێ بگونجیت.
Comments are closed, but trackbacks and pingbacks are open.