ئاوارە نێروەیی
پێکئینانا ژیانا هەڤژینیێ نە بتنێ قسمەت و ئێقبالە
دناڤ ئەدەبیاتێن کومەلایەتی دا گوتنەك یا هەی دەربارەی وێ چەندێ کو پێکئینانا ژیانا هەڤژینیێ (قسمەت و ئێقبالە)وژبەرکو ئەو تشتێ بویە بەختێ خودانی دێ هەر کەڤیتە د رێکا وی دا هندی ئەو پێکولا بکەت ژێ برەڤیت ڤێجا ل سەر مە پێدڤیە ئەم رازی ببین ژ وب تشتێ بومە هاتیە نڤێسین و ئەم پێشوازیا دەستخوشی و پیروزباهیا بکەین دەمێ کەیفەک دئێت و سەرەخوشیا دەمێ موسیبەتەک دئێت ئەڤە هەمی و ئەم د رازی نە ژ وێ یا خودایێ مەزن نڤێسی و سوپاسدارێن قەدەرا وی نە.ئەڤ گوتنە هەتا ئەگەر ژ سەرڤە سەرڤە یا راست و دروست بیت بەلێ ئەو د نافخویا خودا یا رەش و خرابکارە ئەڤ گوتنەک پێکولێ دکەت مروڤی ژ وی رۆلێ مەزن و گرنگ داببریت یێ ئەو ژبو چێکرنا ژیانا خو و دانانا وێ رێکا ژیارێ یا کو دێ ئەو ل سەر برێڤەچیت دگێریت ئەو رێکا دێ باجا چێکرنا وێ ژ لایێ وی ڤە ئێتەدان ل ژیانا دنیایێ و ئاخرەتێ یان خێر و پاداشت یان زەحمەت و خولیسەری ب لێبورین ڤە بەری ئەم بچینە د ژیانا هەڤژینیێ دا چ کەسا بومە نەگوت.
کو ل سەر مەپێدڤیە ئێکەم تشت ئەم رامانا ژیانا هەڤژینیێ بزانین يان ب رامانەکا نێزیکتر ژیانا هەڤژینیێ ب دیتنا من چ رامان ددەت و بو من چ دگەهینیت ئارمانجا من ژێ چیە؟ئەرێ من دڤێت شێوازێ ژیانا من یێ چەوا بیت پشتی ئەز کەسەکی دی دئینمە ناڤ وێ ژیانێ یێ کو دێ دگەل من رێکا ژیارا من دانیت و دێ دگەل من بەشداری هەر تشتەکێ گرنگ و چارەنڤیس بیت ؟دەمێ ئەم هزرا خو د پێکئینانا ژیانا هەڤژینیێ دا دکەین هەر کەسەکێ ل دوروبەرێن مە رادبیت ب بەربژێرکرنا (کەسێ گونجای) هەر ئێک لدیڤ دیتنا خو و حەز و ڤیانێن خو یاریا خو یا ژ هەمیا خوشتر دکەن د گوهورینا هزرێن مە دا ب هێجەتا وێ چەندێ سەروبەر د واقعی دا نە ئەوە یێ ئەم هزر بو دکەین و بابەت یێ جیاوازە پا تو چ دبێژی ئەگەر ئەز بوتە ئاشکەرا بکەم کو واقع ب ژمارێن خو و ب ئامارێن خو وان دکەتە قێژی کو رێکا وان یا ئەو بەحس ژێ دکەن نەیا دروستە و ئەو دکەتە قێژی کو رێکا وان یا ئەو بەحس ژێ دکەن نەیا دروستە و ئەو خولیسەری و بێزاریا دورماندوری مە گرتی بەشەکێ وێ دزڤریت بو رێکا وان د هزرکرنێ دا.
تشتێ نەخوش ئەو د یاریا خودا گەلەك سەرکەڤتنێ بدەست خوڤە دئینن ول دوماھیێ دێ خو بینین ئەم یێ دگەل کەسێ خەلەت و نە گونجای بەشداریێ دکەین د ژیانەکا ڤالا ژ پشتەڤانی و هاریکاریا پێکگوهور دژین ژیانەکا تامسار نە رح تێدا و نە دلێن تژی ڤیانا دژوار ژیانەکا روژێن وێ هەمی وەکی ئێک و دەمێ ئەم پسیار دکەین کا ئەرێ بوچی ئەم کەتینە دڤێ تەنگاڤیێ دا ئاماژا
(قسمەت و ئێقبال) دێ دیاربیت وەک سەروخوشی و ئەو تشتێ چێبوی قەدەرەکا نڤێسی بو.
Comments are closed, but trackbacks and pingbacks are open.